СҮМОГИЙН ТОЙМ: Хакүхо түрүүлэх үү, Ичиножёо юу?

Японы Осака хотод явагдаж байгаа мэргэжлийн сүмогийн Хаврын тэмцээнд түрүүлэх бололцоотой хоёр бөх үлдлээ. Хоёулаа Монголын залуус. Их аварга Хакүхо 13 дараалан ялж, башёг тэргүүлэн, ганц унаатай маэгашира Ичиножёо нэхэж явна. Маргааш Хакүхо озэки Такаясүтай, Ичиножёо озэки цол горилогч Такакэйшёотой учраа таарсан. Ичиножёо унаж, Хакүхо давахад их аварга 42 дахь түрүүгээ авах юм. Харин Ичиножёог өвдөг шороодуулж чадвал Такакэйшёо озэки цолныхоо болзлыг биелүүлэх учиртай.

Өнгөрсөн тэмцээнд түрүүлсэн сэкивакэ Тамаваши 50 хувийн амжилт үзүүлж чадсангүй. Хоёр комүсүби мөн 50 хувиа хийж чадаагүй тул ирэх тэмцээнд заануудын эгнээ ихээхэн шинэчлэгдэж, Ичиножёо цол ахих болно.

Макүшитад Чюраноүми, санданмэд Карацүүми, жонокүчид Тэрасава нар тус бүр 7 даваатай түрүүллээ. Жониданд Роога, Тэрүнофүжи гэсэн манай 2 бөх Ням гарагт түрүүлэхийн төлөө халз үзэлцэнэ. Жюүрёод 11 даваатай Шиманоүми, 9 ялсан Чиёомарү, Таканошёо нарын хэн нэг нь түрүүлэх болсон.

Дээд зиндаа

Монгол бөхчүүд 

Жюүрёо

З-6 Кёкүшюүхо Т.Эрдэнэбаатар 7-6

З-7 Азүмарюү С.Тодбилэг 6-7

З-12 Миторюү Б.Төрболд 8-5

Б-12 Араваши Э.Дөлгөөн 8-5

Б-14 Кирибаяма Б.Лхагвасүрэн 8-5

Макүшита

Б-3 Сэйро А.Өнөболд 5-1

Б-7 Хоошёорюү С.Бямбасүрэн 3-3

Б-12 Сакигакэ Я.Баттүшиг 2-4

З-25 Кёкүсоотэн Э.Энхманлай 2-4

Б-25 Кагамио Б.Нанжид 2-4

Б-33 Гоочёозан Д.Ууганбаатар 4-2

Санданмэ

З-12 Саданохикари Д.Наранцогт 2-4

Б-21 Ёошёояма Б.Анхбаяр 4-3

Жонидан

Б-15 Роога А.Амарсанаа 7-0

Б-88 Тэрүнофүжи Г.Ган-Эрдэнэ 7-0

З-74 Дайтэнма Н.Чинзориг 4-2