Озэки Такакэйшёо Самурайн замаар замнана
Японы Сүмо бөхийн холбооны Гүйцэтгэх зөвлөлийн хурал Осака хотноо өнөөдөр өглөө боллоо. Хурлаар 5-р сарын 12-нд Токиод эхлэх Зуны тэмцээний банцүкэг хэлэлцлээ.
Мөн өнгөрсөн Хаврын тэмцээнд 10 давж, озэки цолны болзол биелүүлсэн сэкивакэ Такакэйшёод озэки цол олгохыг санал нэгтэй дэмжсэн байна.
Сүмо бөхийн холбооноос озэки цол олгох шийдвэрээ тусгай элч илгээж мэдэгддэг журамтай. Энэ удаад Нишиива, Дэваноүми хоёр ояката очиж, Чиганоүра ояката, окамисан болон Такакэйшёо нарт албан ёсоор мэдэгдлээ.
Такакэйшёо “Бүшидо сэтгэл зүрхээ марталгүй сүмо бөхдөө анхааран, хичээн зүтгэх болно” гэж хэлэн, озэки цолоо хүлээн авлаа.
Бүшидо нь Бүши-самурай, до-зам мөр буюу самурайн зам мөр гэсэн утгатай япон үг юм.
.jpg)
Мэргэжлийн сүмод ороод 28 башё барилдаад озэки болсон нь түүхэнд 6-д бичигдэх хурдан дэвшсэн амжилт бөгөөд 22 нас 7 сартай шинэ озэки түүхэнд 9-д тэмдэглэгдэх залуу арслан болжээ.
Холбоотой мэдээ
Сэтгэгдэл ( 8 )
Энэ бүтэхгүй ээ, жил бололгүй цолоо алдана. Удахгүй бусад бөхчүүд энэнтэй яаж барилдах аргаа олчихно, угаасаа олж эхлээд сая 10 л давсан. Тэгээд 8, дараа нь 7 давдаг болно доо.
Iim davjaa balai avargatai bolvol sumo uzeed yah vee ene hol yavahgui ozeki l bolvol ih yum enenees iluu saihan japan zaluuchuud baihad ene bol butehguiee
Аварга болоорой
Аварга болоорой
Сонирхолтой ёс заншилтай шүү, гарт нь загас бариулаад л цолыг нь аваачаад өгчихдөг, манайхаар бол хонь хөтлүүлж байгаад л цолыг дуудаж начин заан арслан гээд л ккк гайхмаар
Самуурайн зам нь дардан сайхан байж ёкозүна болоорой.Сэтгэл чанга биеэ эрүүл амжилт арвин байг Такахано аварга шиг болоорой. Амжилт хүсье.