АТГ-ын даргын асуудлаар ТОМИЛГООНЫ СОНСГОЛ хийх саналыг хүргүүлжээ

Б.Эрхэс | Zindaa.mn
2019 оны 04 сарын 09

УИХ-ын гишүүн Ж.Батзандан, Л.Болд, Т.Аюурсайхан, Ц.Гарамжав, Х.Нямбаатар, З.Нарантуяа, Я.Содбаатар, Л.Энх-Амгалан, Л.Оюун-Эрдэнэ нарын 19 гишүүн АТГ-ын дарга болон дэд даргыг чөлөөлж, шинээр хүн томилох асуудлаар томилгооны санал явуулах албан бичгийг өргөн барьжээ. Учир нь, УИХ-ын дарга Г.Занданшатар ээлжит бус чуулганыг хааж хэлсэн үгэндээ "УИХ-аас албан тушаалтны томилгооны асуудлыг хэлэлцсэнтэй холбогдуулан аливаа томилгоо хийхийн өмнө Томилгооны сонсгол зохион байгуулж байх тухай гишүүдийн санал, санаачилгыг бодит ажил хэрэг болгох талаар холбогдох хуульд өөрчлөлт оруулах төсөл боловсруулж, өргөн мэдүүлэх эрх гишүүдэд нээлттэй" хэмээн онцолсон байдаг.

Энэ дагуу тэд өчигдөр /2019.04.08/ "Томилгооны сонсгол явуулах тухай" албан бичигт гарын үсэг зурж, УИХ-ын даргад өргөн барьсан байна. 

Тэрхүү албан бичигт "УИХ-аас Нийтийн сонсголын тухай хуулийг баталсан ч энэ хуульд заасан Томилгооны сонсголыг өнөөдрийг хүртэл огт хийгээгүй байгаа. Иймд УИХ-ын нэр бүхий 19 гишүүн бид Танд хандан “Авлигатай тэмцэх газрын дарга болон дэд даргыг шинээр томилох асуудал үүссэн тохиолдолд нэр дэвшиж байгаа хүмүүсийн талаар Томилгооны сонсгол хийх ажлыг хуулийн дагуу зохион байгуулж өгнө үү” гэдэг хүсэлтийг тавьж байна. Харамсалтай нь Нийтийн сонсголын тухай хуулиар УИХ-тай зөвшилцдөг албан тушаалтанд Томилгооны сонсгол хийх боломжгүй байна. Цаашид Нийтийн сонсголын тухай хуульд нэмэлт, өөрчлөлт оруулж, Томилгооны сонсголыг зөвхөн УИХ-аас томилогддог биш, зөвшилцдөг албан тушаалтанд ч хийдэг өөрчлөлт оруулах ёстой гэж үзэж байна" хэмээн онцолжээ.

Тэгвэл УИХ-ын дарга Г.Занданшатар  "Авлигатай тэмцэх газрын дарга, дэд дарга чөлөөлөгдөөгүй байгаа тул томилгооны сонсгол хийх эрх зүйн боломж одоогоор байхгүй. Олон улсын туршлагаас харахад зөвшилцдөг албан тушаалууд дээр Ёс зүйн хороогоор нээлттэй хэлэлцүүлэг хийж, дүгнэлт гаргаад, томилох эрх бүхий албан тушаалтанд мэдэгддэг практик байна. Түүнчлэн онцгой нөхцөл үүссэн үед, тухайлбал саяынх шиг иргэнээ эрүүдэн шүүсэн гэх мэт асуудал гарвал шүүгч, прокурор болон бусад эрх бүхий албан тушаалтны асуудлаар импичмент хийх буюу ажлаас чөлөөлөх асуудлыг Ёс зүйн хорооны санаачилга (манайхаар бол Төрийн байгуулалтын байнгын хороо, Хууль зүйн байнгын хороо байж болно)-аар хэрэгжүүлдэг эрх зүйн зохицуулалт байдаг юм байна. Ийм туршлагыг нэвтрүүлэх талаар судалж үзэх хэрэгтэй. УИХ-ын  Байнгын хороод болон Хүний эрхийн, Тусгай хяналтын, Ёс зүйн дэд хороод хуулиар олгосон эрхийнхээ хүрээнд хянан шалгах, хэлэлцүүлэг зохион байгуулах,  сонсгол хийх боломжтой. Түүнчлэн төрийн бүх шатны алба хаагчид, түүн дотроо удирдах албан тушаалтны ёс зүйн асуудлыг хэлэлцэх эрх зүйн орчин бүрдүүлэх шаардлагатай байна" гэх тайлбарыг өгсөн байна. 

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Иргэн(124.33.214.177) 2019 оны 04 сарын 09

Нэгд хугацаа нь болоогүй, хоёрт ажлаа сайн хийж байгаа АТГ-ын даргыг өөрчлөх гэж хүчээр хүчилцгээх хэнд хэрэгтэй юм бэ?! Нөгөө талаар Сонсгол сонсгол гэнэ оролцоё?! Гэхээр оролцуулдаггүй л юм байналээшдээ?! Ингэж ард олны нэр барьж жүжиг зохиох хэрэг байна уу?!

1  |  0
Иргэн(124.33.214.177) 2019 оны 04 сарын 09

Нэгд хугацаа нь болоогүй, хоёрт ажлаа сайн хийж байгаа АТГ-ын даргыг өөрчлөх гэж хүчээр хүчилцгээх хэнд хэрэгтэй юм бэ?! Нөгөө талаар Сонсгол сонсгол гэнэ оролцоё?! Гэхээр оролцуулдаггүй л юм байналээшдээ?! Ингэж ард олны нэр барьж жүжиг зохиох хэрэг байна уу?!

1  |  0
Иргэн(124.33.214.177) 2019 оны 04 сарын 09

Нэгд хугацаа нь болоогүй, хоёрт ажлаа сайн хийж байгаа АТГ-ын даргыг өөрчлөх гэж хүчээр хүчилцгээх хэнд хэрэгтэй юм бэ?! Нөгөө талаар Сонсгол сонсгол гэнэ оролцоё?! Гэхээр оролцуулдаггүй л юм байналээшдээ?! Ингэж ард олны нэр барьж жүжиг зохиох хэрэг байна уу?!

1  |  0
ondor nastan(182.160.36.109) 2019 оны 04 сарын 09

zov oo zov. ehlel ni zov. togsgol ni bas tiim baig. 5 gishuunee bayrlalaa hamtdaa shuu.

0  |  0
Top