АРХАНГАЙ: Даамны улсын аваргаас таван алтан медаль хүртлээ

Архангай аймгийн аварга шалгаруулах даамны тэмцээнээс шалгарсан 24 өсвөрийн тамирчин 100 буудалт даамны Улсын аварга шалгаруулах тэмцээнд оролцжээ. Тэмцээнд нийт 774 тамирчин оролцон, охид хөвгүүдийн 5-7, 8-10, 11-13, 14-16 насны ангиллаар 100 буудалт даамны Үндсэн, Рапид, Блиц, 64 буудалт, Турк даам гэсэн таван төрлөөр өрсөлджээ. Манай аймгийн тамирчид 5 алт, 3 мөнгө, 6 хүрэл медаль хүртэж, багийн дүнгээр 3-р байр, орон нутгаас 1-р байр эзэлсэн байна.

Эдгээр тамирчид ирэх 6-р сарын 19-нөөс 7-р сарын 2 нд Узбекстан улсын Ташкент хотод болох Ази тивийн аварга шалгаруулах тэмцээнд оролцох эрхээ авчээ. Мөн үндсэн төрөлд эхний 10-р байрт орсон тамирчид ДАШТ-ны сорилго тэмцээнд оролцохоор болсон байна.