Сонгинохайрхан дүүргийн АН шинэ байртай боллоо
Сонгинохайрхан дүүргийн Ардчилсан намын байрны нээлт өнөөдөр /2019.04.19/ боллоо. Нээлтийн арга хэмжээнд УИХ-ын гишүүн, АН-ын дарга С.Эрдэнэ, “Ардчилсан эмэгтэйчүүдийн холбоо”-ны ерөнхийлөгч С.Одонтуяа, АН-ын нарийн бичгийн дарга О.Магнай, СХД-ийн АН-ын даргын үүрэг гүйцэтгэгч Д.Батцогт нар болон гишүүд, дэмжигчид оролцсон юм.
Нээлтийн үеэр АН-ын дарга С.Эрдэнэ “Сонгинохайрхан дүүрэг олон жил өөрийн гэсэн байргүй байсан. Өнөөдөр шинэ байрныхаа нээлтийг хийж байна. Цаашид 32 хороо бүрт намын үүрийн байртай болох зорилготой байна. Өөрийн гэсэн байртай болсноор сургалт, уулзалтууд зохион байгуулах, мэдээлэл солилцох, үзэл бодлоо чөлөөтэй илэрхийлэх зэргээр гишүүд, дэмжигчиддээ чиглэсэн олон үйл ажиллагаа зохион байгуулна. Аливаа байгууллага өөрийн гэсэн байртай болж байж үйл ажиллагаа нь тогтвортой явах боломж бүрддэг. Монголын нийт хүн амын 10 гаруй хувь нь СХД-т амьдарч байна. Тиймээс ч тус дүүрэгт намын үйл ажиллагаа идэвхжиж, сэргэх нь онцгой ач холбогдолтой” гэв.
Ардчилсан хувьсгалын 30 жилийн ойн хүрээнд СХД-ийн АН “Шинэчлэлийн аян-2019” аяныг зохион байгуулж байгаагаа энэ үеэр дуулгалаа. СХД-ийн АН 5000 гаруй гишүүд, дэмжигчидтэй төдийгүй цаашид гишүүдээ чадавхжуулах чиглэлээр олон ажил зохион байгуулахаар төлөвлөөд байгаа аж.
Холбоотой мэдээ
Сэтгэгдэл ( 8 )
Байр түрээсэлчихээд, тууз хайчлаад л. АН сөнөжээ.
Байр түрээсэлчихээд, тууз хайчлаад л. АН сөнөжээ.
намын байр гэж байхаар сонгино хайрхан дуургийн яая даа гэсэн хуучин барилгыг шинэчлэж, шинэ эмнэлэгтэй болсон бол их баярлах байлаа
шинэ байранд орлоо гээд хэдэн хүний л зураг тавих юм тэр байр нь хаана байнаа
эрдэнэ бгаа цагт ардчилал яриад хэрэггүй
Намд байр барьж байхын оронд ганц музейг байртай болгочих ухаангүй энэ хүүрнүүдийг яая даа байз
Эрдэнэ гахай чи бга цагт АН булшиндаа орно. Удахгүй шорондоо ороорой. Манай Хан-Уулыг самарсанг чинь мартахгүй ээ.
Эрдэнийг ярьж бхад гишүүд нь бослого гаргаад онигоо шаассс