БОКС: Б.Мөнгөнсаран хүрэл медалийн болзол хангалаа

Сонирхогчдын боксын Азийн АШТ Тайланд улсын нийслэл Бангкок хотноо дөрөвдүгээр сарын 16-27-ны хооронд зохион байгуулагдаж байна.
 

Нийт 18 тамирчинтай оролцож байгаа Монголын шигшээ баг анхныхаа медалийн болзлыг хангаад байна. Эмэгтэйчүүдийн 48 кг-ийн жинд Б.Мөнгөнсаран Тайландын боксчин Р.Сикадоныг 3:2 харьцаагаар ялж, хүрэл медалийн болзол хангалаа. Б.Мөнгөнсаран мөнгөн медалийн төлөө дэлхийн аваргын алт, мөнгөн медальт Филиппиний Josie Gabuco-той тулалдах юм.

Өнөөдөр манай тамирчдын хувьд тун чухал өдөр болж байна. Нийт найман боксчин хүрэл медалийн төлөө тулалдана.

60 кг-д Азийн наадмын аварга Э.Цэндбаатар Иорданы А.Ахматбоулитай

75-кгд 19 тамирчин Д.Давааням Ираны М.Сейдшахинтай

91 кг-д С.Эрдэнэбаяр БНСУ-ын Ким Хюн Кьютэй

51 кг-д Лутсайханы Алтанцэцэг Вьетнамы Нгуен Ти Тамтай

54 кг-д ДАШТ-ий хүрэл медальт М.Нандинцэцэг Японы Хамамото Саяатай

60 кг-д М.Намуун Узбекстаны Р.Кодироватай

64 кг-д У.Шинэцэцэг БНХАУ-ын Дан Доутай

75 кг-д М.Мягмаржаргал БНСУ-ын Сүн Сү Жинтэй тус тус хүрэл медалийн төлөө өрсөлдөнө гэж Монголын боксын холбооноос мэдээллээ.