Засгийн газар Элчин сайдуудын асуудлыг хэлэлцэж байна

Засгийн газрын хуралдаан өнөөдөр /2019.04.23/ 14.00 цагт болж байна. Тус хуралдаанаар 20 гаруй асуудал хэлэлцэхээр төлөвлөсөн бөгөөд УИХ-ын даргын айлчлалын дүнгийн тухай, Монгол, Грекийн Засгийн газар хоорондын хэлэлцээрийн төслийн тухай, Монгол Улсын нэгдсэн төсвийн 2020 оны төсвийн хүрээний мэдэгдэл, 2021-2022 оны төсвийн төсөөллийн тухай хуулийн төслийн тухай, “Эрдэнэс Тавантолгой” ХХК-ийн талаар авах зарим арга хэмжээний тухай зэрэг асуудлыг хэлэлцэхээр төлөвлөжээ.

Мөн манай улсаас гадаад улсад суух Элчин сайдуудын асуудлыг хэлэлцэж байгаа аж. Манай улсаас гадаад улсад суух 18 улсын Элчин сайд болон байнгын төлөөлөгчийн газрын тэргүүний томилгооны асуудлыг дариухан шийдвэрлэх шаардлагатай байгаа юм.