Архангай, Дундговь аймгийн зарим сумдад цастай байна
Өнгөрсөн хоногт Дундговийн нутаг, Өмнөговийн зүүн, Дорноговийн баруун, Булганы өмнөд хэсгээр 0.0-5.0 мм цас, бороо орсноос хамгийн их тунадас Дундговийн Мандалговьд 5.0 мм, Гурвансайханд 3.0 мм орсон байна.
Цаг уур, орчны шинжилгээний газрын мэдээлснээр өнөөдөр өглөөний /2018.04.26/ 08 цагийн өртөө харуулын талбай дээрх хэмжилтээр Архангайн Өлзийтөд 1.0 см, Дундговийн Мандалговь, Адаацагт 2.0 см цасан бүрхүүл түр тогтсон байна.
Говийн аймгуудын нутгаар өмнөх өдрөөсөө 1-4 градусаар сэрүүсч, бусад нутгаар 1-8 градусаар дулаарч Дархадын хотгор, Хангай, Хөвсгөл, Хэнтэйн уулархаг нутаг, Хүрэн бэлчир орчим, Идэр, Тэс, Туул, Тэрэлж, Хэрлэн, Онон, Улз голын хөндий, Говийн бүс нутгаар +6...+12 градус, Их нууруудын хотгор, Алтайн өвөр говиор +19...+24 градус, бусад нутгаар +11....+17 градус байв.
Өнгөрсөн хоногт Архангайн Өлзийтөд 1.0 см, Дундговийн Мандалговь, Адаацагт 2.0 см цасан бүрхүүл тогтжээ
Зүүн болон говийн аймгуудын нутгаар өмнөх хоногоосоо 1-7 градусаар хүйтэрч, бусад нутгаар 1-14 градусаар дулаарч Хэнтэйн уулархаг нутаг, Туул, Тэрэлж, Хэрлэн, Онон, Улз, Халх голын хөндий, говийн бүс нутгийн зүүн хэсгээр -3...-8 градус, Их нууруудын хотгор болон Алтайн өвөр говиор +6...+12 градус, бусад нутгаар 0...+7 градус хонов.
Cалхи: Ихэнх нутгаар секундэд 6-11 метр, Алтайн салбар уулс болон говь, тал хээрийн нутгаар секундэд 12-14 метр хүртэл ширүүсч зөөлөн шороон шуурга шуурсан байна.
Улаанбаатар хот орчмоор: Өнгөсөн хоногт хур тунадас ороогүй. Салхи зүүн өмнөөс секундэд 6-11 метр. Өдөртөө +10...+12 градус, шөнөдөө Яармаг-Сонгины орчмоор -4..-6 градус, бусад хэсгээр 0 градус орчим байв.
Эх сурвалж: ЦУОШГ
Холбоотой мэдээ
Сэтгэгдэл ( 0 )