НИТХ: Нэмэлт САНАЛ ХУРААЛТЫН дүн

Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн нэмэлт санал хураалтын үйл ажиллагаа өчигдөр (2020.10.25) болж, 20:00 цагт дуусгавар болголоо. Санал өгөхөөр бүртгэгдсэн сонгогчдын 74,33 хувь нь саналаа өгчээ. 

Нийт 19 аймгийн 61 хэсэг, Налайх дүүргийн 2 хэсэг, нийт 63 хэсэгт нэмэлт санал хураалтад оролцох ёстой сонгогчдын 25,82 хувь нь ирж саналаа өгсөн талаар СЕХ мэдээллээ. 

Хамгийн олон сонгогч нэмэлт санал хураалтаар ирж, саналаа өгөх Дархан-Уул аймгийн Дархан сумын 11 дүгээр багийн 1401 сонгогчийн 469 нь буюу 33,48 хувь ирж, саналаа өгснөөр нийт ирцийн хувь 64,72 хувь болсон бол Баян-Өлгий аймгийн Ногооннуур сумын 1 дүгээр багийн нэмэлт санал хураалтад оролцох 14 сонгогчийн 10 нь ирснээр нэмэлт санал хураалтын ирцийн хувь нь 71,43 болж, нийт ирцийн хувь нь 97,93 хувь болсон байна.