М.Ганбаатар: "Тавантолгой түлш"-ийн захирлаар маш хүнд үед ажилласан

Гурав дахь өдрөө үргэлжилж буй сонсголоор “Эрдэнэс тавантолгой” ХК-ийн охин компаниудад оруулсан хөрөнгө оруулалт болон бусад санхүүжилттэй холбоотой дараах 7 сэдвээр нотлох баримтыг шинжлэн судлах бөгөөд энэ хүрээнд 18 гэрчийг дуудсан байна.

(2023.12.20)

1)    “Тавантолгой түлш" ХХК болон төсвийн шинжтэй санхүүжилтийн талаар;

2)    Загийн усны хоолойгоос ус татах шугам хоолойн барилга угсралтын ажил;

3)    Тавантолгой дулааны цахилгаан станц;

4)    Уурхайн суурьшлын бүсийн бүтээн байгуулалтын төсөл;

5)    Кокс-эрчим хүчний үйлдвэр;

6)    Шивээ Овоо ХК;

7)    Багануур ХК;

Гэрч “Тавнтолгой түлш” ХХК-ийн захирал асан М.Ганбаатар "Би 2018-2022 оны эхэн хүртэл “Тавнтолгой түлш” ХХК-ийн захирлаар ажилласан. Маш  хүнд үед ажилласан гэдгээ энд тодотгож хэлье. Дэлхий даяар тарсан цар тахлын хүнд үед Улаанбаатар хотын 220 мянган айл өрхийн 500 мянга шахам тонн нүүрсний хэрэглээг үйлдвэрлэсэн бүтээгдэхүүнээр солих 1.6 жилийн хугацаанд үйлдвэрийг байгуулж, босгож солих хүнд хэцүү даалгаврыг биелүүлэх гэж ажилласан.

Агаарын бохирдол 2017 оны агаарын чанарын үзүүлэлтийг харвал Баруун 4 замын маш их бохирдолтой орчны 12 дугаар сарын 01-ны үзүүлэлтээр 1м² талбайд утаа ихтэй үед 4046 ширхэг тоосонцор унасан гэсэн үзүүлэлт байна.

Энэ үзүүлэлтээс 2022 оны нэгдүгээр сард 1м² талбайд унасан тоосонцор 180 болж буурсан. Үндсэндээ энэ төсөл хэрэгжсэнээр агаарын бохирдолд цацагдах тоосонцрын хэмжээ 20 дахин буурсан үзүүлэлттэй байгаа.

Улаанбаатар хот нүүх үү, үлдэх үү гэдэг дээр тулсан байсан. Урдаа байгаа зүйлээ хардаггүй байсан. Үүнийг буулгахын төлөө ажиллах нь бидний үндсэн зорилго гэж үзсэн.

Цар тахлын улмаас хил гааль хаагдсан. Санхүүжүүлэгч “Эрдэнэс Тавантолгой” ХК-ийн экспорт үндсэндээ 100 хувь зогссон. Дотоодын боомт, бакны эх үүсвэрээр өөрийн эх үүсвэрээ хангадаг болсон.

Худалдан авалт, бүх санхүүжилт, хэд хэдэн удаагийн карентин гарсан. Гэр хорооллын бүсэд 1 сар гаруй хугацаатай карентин гарч бүх ажил, эдийн засгийн эргэлт зогссон. Энэ үед Улаанбаатар хотын иргэдийг 75 хувь буюу үнэгүй шахуу, 3750 нь алдагдалтай үнэ байсан. Үүнээс нэмээд 75 хувиар гэр хорооллын айл өрхийг тасралтгүй, өдөр тутам түлшээр хангах зайлшгүй шаардлага тулгарсан. Энэ бүхнийг нийт 7000 гаруй ажилтан, албан хаагчид, тэр дундаа борлуулагч, тээвэрчдийн хичээл зүтгэлээр хүнд үеийн агаарын бохирдлын бууралтын үетэй золгосон." гэлээ.