“Ахлагч нарын зөвлөгөөн-2024” эхэллээ
Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор “Төрийн цэргийн болон хууль сахиулах байгууллагын ахлагч нарын чуулга уулзалт”-ыг угтан “Цагдаа, дотоодын цэргийн байгууллагын ахлагч нарын зөвлөгөөн”-ийг өнөөдөр /2024.02.29/ зохион байгуулж байна.
Зөвлөгөөнийг нээж Цагдаагийн ерөнхий газрын Тэргүүн дэд дарга, бригадын генерал Ц.Ням-Очир үг хэллээ.
Зөвлөгөөнд Монгол Улсын Ерөнхий сайд Л.Оюун-Эрдэнэ, Хууль зүй, дотоод хэргийн дэд сайд Б.Солонгоо, Цагдаагийн ерөнхий газрын дарга, Дотоодын цэргийн командлагч, цагдаагийн хурандаа Т.Сүхболд нар хүрэлцэн ирсэн юм.
Энэ үеэр албан үүргээ гүйцэтгэж байгаад амь эрсэдсэн алба хаагчдад хүндэтгэл үзүүлж, гэгээн дурсгалд зориулсан видео бичлэгийн үзэж сонирхлоо.
“Ахлагчийн алба-Мэргэшсэн алба” уриатай уг зөвлөгөөн нь 4 хэсгээс бүрдэх ба “Цагдаа, дотоодын цэргийн байгууллагын хөгжил, алба хаагчийн оролцоо”, “Цагдаа, дотоодын цэргийн байгууллагад эмэгтэйчүүдийн үүрэг, оролцоо”, “Бэрхшээл ба боломж”, “Цагдаа, дотоодын цэргийн байгууллагын ахлагч бүрэлдэхүүнд тулгарч буй асуудал-Шийдэл” сэдвүүдийн хүрээнд алба хаагчид туршлага, тулгамдаж буй асуудал, шийдлээ хэлэлцэх юм.
Энэхүү зөвлөгөөнд 68 анги, байгууллагын 380 алба хаагч танхимаар, 4700 алба хаагч цахимаар хамрагдаж байгаа бөгөөд хоёр өдрийн турш үргэлжилнэ.
Байгууллагынхаа үнэт зүйл болсон ахлагч бүрэлдэхүүндээ зөвлөгөөнд нь амжилт хүсье.
Холбоотой мэдээ
Сэтгэгдэл ( 1 )
өнөөдөрийн жаахан өндөрөөс харьяаа л даа., газ руу гүйгээд ордог залуус бага цалинтай насан туршидаа ажилаад ч орон сууцны зээлд хамрагдаж чадахгүй байсан, ууг нь нэхээд шаардаад байдаг галын самбар болгон дээр ABC гээд галын ангилал байна тэд лав мэддэгүй байж таараа, хэдэн муусай ахлагч нарынхаа амьдал ахуй нь дүүрч, нэгт боловрол, цалин хангамжид их анхаармаар юм, хэдэн муусай ахлагч цагдаа нар хэд нь шудрага үнэнээсээ болж өөрсөдөө хэрэгт орж байна, тайзан дээр нээх жүжиг үзүүлж гэнэ