Халдлагад өртсөн Словакийн Ерөнхий сайдад дахин мэс засал хийхгүй

Словакийн Ерөнхий сайд Роберт Фицогийн амь насанд халдсан хэрэг гарсан билээ. Цээж, хэвлий, хөл рүүгээ буудуулсан Ерөнхий сайдыг эмнэлэгт нисдэг тэргээр хүргэж, мэс засал хийсэн ч биеийн байдал нь хүнд байсан.

Тэгвэл Словакийн шинээр сонгогдсон Ерөнхийлөгч Петер Пеллегрини “Ерөнхий сайд Роберт Фицод дахин мэс засал хийхгүй. Түүний амь нас аюулгүй болсон ч биеийн байдал нь хүнд хэвээр байна. Даваа гарагт эмч нар хуралдаж, Банска-Бистрица хотод эмчилгээг үргэлжлүүлэх, гэрийнх нь ойролцоох эмнэлэгт шилжүүлэх эсэхийг шийднэ” гэжээ.

Словакийн Ерөнхий сайд болсон явдлын талаар бүх зүйлийг санаж байгаа ч бие нь сайнгүй хэвээр байгаа гэнэ.