Ерөнхийлөгчийн салаавч ба Н.Энхбаярын хоригдож байх үеийн бичлэг

ШШГЕГ-аас өнөөдөр 16.30-д  МАХН-ын дарга  Н.Энхбаярын  хоригдож байх үеийн   бичлэгийг үзүүлж, мэдээлэл хийлээ. МУ-ын гурав дахь  Ерөнхийлөгч асан  Н.Энхбаяр ШШГЕГ-ын харьяа ангиудад хоригдож байхдаа эрх нь зөрчигдөөгүй гэсэн мэдээллийг  Хорих 461-р ангийн дарга, хурандаа Л.Өлзиймөнх,  ШШГА-ны дарга, хурандаа Л.Болд нар сэтгүүлчдэд  өгсөн юм. Н.Энхбаярын  хүү Э.Батшугар энэ сарын 6-ны өдөр  “Би аавынхаа царайг ганц ч удаа хараагүй” гэж хэлж байсан. Гэтэл тэрбээр энэ сарын 5-ны оройн 22.00  цагт эцэгтэйгээ уулзаж хамт байснаас гадна МАХН-ын дарга Н.Энхбаяр  Цагдан хорих 461-р ангийн эмнэлгээс  II эмнэлэг рүү шилжүүлсэн өдөр  шүүхийн шийдвэр гүйцэтгэх газрын ажилтнуудыг хэл амаар доромжилж, салаавч  өгч зүй бусаар харьцсан гэж ШШГЕГ-ынхан мэдэгдлээ.  Энэ тухай дэлгэрэнгүй бичлэгийг үзнэ үү.