Монгол үндэстний дууны их наадмын дөрөвдүгээр шат ирэх сард болно

Монголын үндэсний олон нийтийн телевиз, БСШУЯ, Засгийн газрын хэрэгжүүлэгч агентлаг, Соёл урлагийн хороотой хамтран зохион байгуулж байгаа “Монгол үндэстний дууны их наадам-2012” эхэлснээс хойш хагас жилийн хугацаа өнгөрчээ. Тус наадамд нийт аймгаас 2500 гаруй ардын авьяастан оролцсон байна. Наадмын дөрөвдүгээр шатны шалгаруулалт зургадугаар сард эхлэж, гала тоглолт нь ирэх сарын 17-нд болно.

Уг наадам нь 21 аймгаас оролцож буй авьяастнуудыг таван хэсэгт бүсчлэн оролцуулж, ялангуяа монгол үндэстний нэг Буриад улсад шалгаруулалт явуулснаараа өмнөх тэмцээнүүдээс онцлогтой юм. Буриадаас 50 гаруй ардын авьяастан оролцсоноос 16 уран бүтээлч шалгарчээ. Энэ жил Өвөр монголоос албан ёсоор бүртгүүлээгүй ч уран бүтээлчид нь хувиараа ирж оролцож байгаа гэнэ.

Энэхүү наадмын “Дуун дээвэртэй Монгол” хэмээх сүлд дууг “Анир” студид бичүүлж клипжүүлжээ. Сүлд дууг хориод дуучид дуулсан бөгөөд үгийг СГЗ Ш.Ёолк, аяыг Б.Бямбабаяр бичсэн аж. Энэ дуу нь төрөл жанрын хувьд язгуур урлаг, поп, хип хоп, мэргэжлийн сонгодог бүхий л урсгалыг багтаасан уран бүтээл болжээ.

Х. Даваа

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 0 )

happysadwinkingbig grinbattingeyelashesbig hugconfusedlove struckblushingtonguekissbroken heartsurpriseangrysmugcoolworriedwhew!devilcryinglaughingstraight faceraised eyebrowsrolling on the floorangelnerdtalk to the handcall meon the phoneat wits endwavetime outday dreamingsleepyrolling eyeslosersickdont tell anyoneno talkingclownsillypartyyawndroolingthinkingohapplausenail bitinghypnotizedliarwaitingsighphbbbbtcowboyI dont want to seehurry up!rock on!thumbs downthumbs upit wasnt mepirateI dont knownot listeningrosecoffeeideaprayingmoney eyeswhistlingfeeling beat uppeace signshame on youdancingbring it onhee heechatterboxnot worthyoh go onstarhirobillyyin yangskull
Go to top of page