131 бүлэг гурван ээлжээр хичээллэнэ

Шинэ хичээлийн жилд ерөнхий боловсролын 25 сургуулийн 131 бүлэг гурван ээлжээр хичээллэх гэнэ. Учир нь нийслэлийн хэмжээнд 23, орон нутгийн хэмжээнд хоёр сургуульд нэмэлт өргөтгөл барих газаргүй тул эдгээр сургууль гурван ээлжээр хичээллэх аж. Тодруулбал, орон нутагт Дорноговь аймгийн Замын-Үүдийн сургууль, Завхан аймгийн Түдэвтэй сумын сургууль гурван ээлжээр хичээллэх юм байна. Харин нийслэлийн хэмжээнд Монгол гуравдугаар сургууль, 9, 73, 14, 33, 53, 85, 62, 65, 107 "Амгалан цогцолбор", “Голомт цогцолбор", 109 дүгээр сургуулиуд гурван ээлжээр хичээллэнэ. Мөн 92 дугаар сургуулийн хажууд шинэ өргөтгөл барьж ашиглалтад оруулах гэж байгаа тул гурван ээлжийн хичээлийг хоёр ээлж рүү шилжүүлэхээр болжээ.

Х.Даваа