Таван толгойн нүүрсний аманд хоёр хүн амиа алдлаа

Өмнөговь аймгийн Цогтцэций сумын нутагт орших жижиг Таван толгойн нүүрсний уурхайн аманд хоёр хүн унаж, амь насаа алджээ. Өнгөрсөн ням гарагт болсон энэ ослын талаар аймгийн ОБХ-ийн дарга Г.Буянтогтохоос тодруулахад, “Уурхайн дөрөвдүгээр цооногоос дээж авах гэж байсан мотоцикльтой хоёр иргэн усанд унаж амь насаа алдсан. Тус цооногийн амны өргөн нь 10х50, гүн нь 4-5 метр. Талийгаачид 1973, 1978 онд төрсөн залуус байсан. Манай хэлтэс дуудлага аваад өнөө өглөө 9:30 цагт ослын газар очсон. Талийгаач А-гийн цогцос усан дээр хөвж байсан бол Х-гийнх цооногийн гүнд байсан” гэсэн юм. Аврагчид талийгаач Х-гийн цогцсыг өчигдөр 14 цагийн үед гаргаж, орон нутгийн цагдаагийн байгууллагад шилжүүлжээ.

Эх сурвалж: Өглөөний сонин