Нэрт эрдэмтний номыг улс даяар хандивлалаа

Монголд төдийгүй дэлхийд алдаршаад буй төвдөч эрдэмтэн Л.Хүрэлбаатар агсны шавь нар нь өнөөдөр багшийнхаа хойдын буянд зориулж “Мяларайва бум дуулал” номыг Монголын бүх номын санд бэлэглэлээ. Номын дээжийг Монголын үндэсний номын сангийн дэд захирал Д.Бямбасүрэн болон бусад номын сангийн төлөөлөлд өчигдөр гардуулсан. Энэ номыг Үндэсний номын сангаас аймгуудад үнэгүй тараах бөгөөд хуучны ном түгээх ажлыг сэргээх эхлэл болж байна.