Цахимаар газар өмчлөх иргэдийн анхааралд
Монгол Улсын иргэнд газар өмчлүүлэх тухай хуулийн хэрэгжилтийг хангах, нийслэл дэх газар өмчлөлийн ажлыг эрчимжүүлэх зорилгоор Нийслэлийн Иргэдийн Төлөөлөгчдийн Хурлын 2013 оны 10/39 дүгээр тогтоолоор Баянзүрх, Хан-Уул, Сонгинохайрхан, Сүхбаатар, Налайх, Багануур, Багахангай дүүргүүдэд харъяалагдах нийт 15309 га газар бүхий 52 байршилд иргэдэд гэр бүлийн хэрэгцээний зориулалтаар ирэх сарын 1-ний өдрөөс эхлэн газар шинээр өмчлүүлэхээр шийдвэрлэсэн.
Иргэдэд өмчлүүлэхээр шийдвэрлэсэн газруудад нийслэлд бүртгэлтэй иргэдийн гэр бүлийн хэрэгцээний зориулалтаар газар өмчлөх эрхийн нэгж талбарын байршил сонгох буюу газар шинээр өмчлүүлэх үйл ажиллагааг цахим хэлбэрээр зохион байгуулахаар төлөвлөж шаардлагатай бэлтгэл ажлуудыг хийж дууслаа.
Нийслэлд бүртгэлтэй иргэдэд газар шинээр өмчлүүлэх ажлыг цахим хэлбэрээр зохион байгуулснаар мэдээллийн нээлттэй, ил тод байдал бий болох, иргэдийн эрх тэгш байдал хангагдах, гадаад сурч, ажиллаж байгаа иргэд хамрагдах боломжтой зэрэг олон давуу талтай болж байна.
Ийнхүү эхний ээлжинд Баянзүрх дүүргийн 20 дугаар хороо Хожуулын ам, Сонгинохайрхан дүүргийн 21 дүгээр хорооны Соёондын ам, Хан-Уул дүүргийн 12, 13 дугаар хороонд байрлах Эрдэнэтолгой, Багануур дүүргийн 4 дүгээр хороо Тариан булагийн 1-р хэсэг, Баганхангай дүүргийн 2 дугаар хороо Бор-Үзүүр гэсэн 5 байршилд 2014 оны 8 дугаар сарын 1-нээс эхлэн цахим системийг ашиглан газар өмчлөлийн ажлыг зохион байгуулж эхлэх бөгөөд үүнд нийт 1524 га газарт 14954 нийслэлд бүртгэлтэй иргэнд газар өмчлүүлэх юм.
Газар өмчлөлийн цахим систем нь өмчийн харилцааны газрын цахим хуудас болох www.umch.ub.gov.mn сайтад байрлах бөгөөд энэ хуудаст хандан газар өмчлөх хүсэлтээ гаргана.
Дараах шаардлагыг хангасан иргэн газар өмчлөх хүсэлтгээ цахимаар гаргана.
- Нийслэлд 2013 оны 05 дугаар сарын 30-наас өмнө шилжин ирж, нийслэлийн харъяалалтай болсон
- Урьд нь нийслэлийн нутаг дэвсгэрт газар өмчлөөгүй байх,
- Урьд нь аймаг, сумдын нутаг дэвсгэрт газар өмчлөөгүй байх,
- Нийслэлд газар өмчлөөгүй тухай тодорхойлолт аваагүй байх
Хүсэлт гаргагч иргэнийг систем нь автоматаар дээрх шаардлагыг хангасан эсэхийг шалгаж, шаардлага хангаагүй нөхцөлд хүсэлтийн маягт бөглөн илгээхээс өмнө “хүсэлт хүлээн авах боломжгүй тухай” хариу өгнө гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
Жич: Өмчлүүлэх газрын байршлын зургийг та www.umch.ub.gov.mn- ээс үзнэ үү
Холбоотой мэдээ
Сэтгэгдэл ( 1 )
Gazar omchloliig erchimjuulnee Ard tumendee unegui gazar oglch baina geed l baih um Ene tor zacgiinhan ichmeer um. Ali ashigtai gazriig ni Ene 2- namiin nohod oorcdoo, ur huuheddee omchilj avaad, iluu avcnaa zarj borlyylj mongoo bankind hiij avaachihaad, Ard bidend yamar gazar ogoh gej baina vee? zam, gerel tsahilgaan baihgui hotooc hol...tegeed bac, hyvichilj avscan gazriig ni tohijyylj buh uilchilgeegeer hangaj ogno ch geh shig tiim hudal um yariad hereggui l bailtai odoogoor Ylaanbaatar hotooch tohijyylj chadaagui yndyi, cyndyi l baina shuu dee Minii ard tumen heterhii tsailgan, heterhii itgemtgii um daa. Tor joloodoj baigaa nohod mini ard tumnii chine zarim ni gedec hoocon hog tuuj odor honogiig ongorooj baona shuu dee Ardchilcan nam toriin erhend garahaac omno ch zahiin horoololiinhon 1-talhiig 2-hyvaaj 9-iintociig 100,graamaar avch honog ongoroodog l baican shuudee. Odoo ard tumnii amidraliin, deerhi baidal urgeljilceer l baina Odoo talhiig 2-huvaaj bish 3-4 hyvaaj avaad tociig 50gr-aar avdag bolood, amidralaa bolgood yavdag baican dyndchyydaac, yadyyrch baigaa humuuc nemegdej baigaag medej baigaa bolov yy? Gazar heregteich Ard tumnii chini amidral het yadyyrch baigaa g yaj ood tatmaar baina gedeg talaar dorvitoi arga hemjee avmaar baina shuu. Ard tumnii amidral iim baihad ogt medeegui um shig , gej baigaa tsarai gargaad baij bolmoorgui baina shuu!!!