2009 оноос хойш “Боко Харам” 500 гаруй охидыг хулгайлжээ

Нигерийн Засгийн газар исламын хэт үзэлтнүүдийн “Боко Харам” хөдөлгөөнтэй яриа хэлэлцээ хийж эхэлсэн. Хэдийгээр албаны хүмүүс хэлэлцээ нааштай байгаа гэсэн мэдээлэл өгсөн ч зэвсэгт босогчид ямар нэгэн мэдэгдэл хийгээгүйгээр зогсохгүй нутгийн хойд хэсэгт үймээн самуун дэгдээсэн хэвээр байгаа. Нигерийн нутагт халифат байгуулахаар 2009 оноос хойш зэвсэг барин тэмцэж буй “Боко Харам”-ынхан барьцаалсан дунд сургуулийн охидыг энэ сарын 24 гэхэд чөлөөлөх ёстой байжээ. Тус хөдөлгөөнийнхөн 2009  оноос хойш нийт 500 гаруй охидыг хулгайлсан байна.