Жүжигчин Б.Энхтүвшин: А.Ганчимэг бид хоёр одоохондоо тусдаа байгаа

Ирэх сарын хоёрны өдөр нээлтээ хийх “Зүрх зогсохгүй” уран сайхны кино олон үзэгчдийн хүлээлтийг үүсгээд байгаа. Уг киноны гол санаа нь хүний алдаанд дөрөөлж амьдралаас нь чангаах ёсгүй гэдгийг харуулахыг зорьсон байна.

Энэ кино нь дээд албан тушаалтнууд болон залуучуудад олон зүйлийг бодогдуулах кино болсон гэдгийг уран бүтээлчид ам бардам хэлжээ. “Зүрх зогсохгүй” киноны гол дүрд жүжигчин Б.Энхтүвшин тоглосон. Тэрээр МХО-ны сурагч байхаасаа МУГЖ С.Жавхлангийн “Миний найз”, “Алсад суугаа ээж” дууны клипүүдэд тоглож жүжигчин болох гараагаа эхлэж байжээ. Мөн “Зэрлэг цэцэгсийн хүлэмж”, “Зүүдэнд ч оромгүй явдал” кинонуудад гол ба туслах дүрийг чадварлаг бүтээсэн билээ. Үүнээс гадна Б.Энхтүвшин “Хувьсал” продакшны жүжигчин А.Ганчимэг нар хөөрхөн охинтой болсон. Энэ хоёрын амьдралын талаар шар хэвлэлийнхэн үнэн худал олон мэдээлэл уншигчдад хүргэж байсныг та бүхэн санаж байгаа биз. Тэгвэл Б.Энхтүвшин хэвлэлд өгсөн ярилцлагадаа А.Ганчимэг бид хоёр одоохондоо тусдаа амьдарч байгаа. Шар хэвлэлийн мэдээлэл шиг салж сарнисан юм байхгүй. Охинтойгоо байнга уулзаж байгаа. Охиноосоо удаан хол байна гэж төсөөлөгдөхгүй байна хэмээн ярьжээ.

Д.Солонго