Чөлөөлөх дайны түүхэн ялалтын 70 жилийн ойг ирэх онд тэмдэглэнэ

Автор | Zindaa.mn
2014 оны 12 сарын 23
 Дэлхийн II дайны төгсгөл болох Чөлөөлөх дайны түүхэн ялалтын 70 жилийн ой 2015 онд тохионо. Монгол, Зөвлөлтийн арми шийдвэрлэх үүрэг гүйцэтгэсэн1945 оны Чөлөөлөх дайны ялалт нь Азийн хэд хэдэн орны ард түмнийг харийн түрэмгийлэгчдээс чөлөөлөгдөхөд шууд тусалсан гэж судлаачид дүгнэдэг. Энэ утгаараа 1945 оны Чөлөөлөх дайны ялалтын ой Монгол, Орос, Хятадын ард түмэн, Зэвсэгт хүчний дайчин нөхөрлөл, хамтын тэмцлийг эргэн дурсах тэмдэглэлт үйл явдал юм.
Түүхэн ялалтын тэгш ойг улс орон даяар тэмдэглэн өнгөрүүлэх нь зүйтэй гэж үзэн Засгийн газарт чиглэл өгөх Монгол Улсын Ерөнхийлөгч зарлигийн төслийг Засгийн газрын хуралдаанаар хэлэлцээд,зарчмын хувьд дэмжлээ.
Ойг угтан түүхэн ялалтын үнэ цэнэ, цэрэг эрсийн байгуулсан гавьяаг сурталчлах, мөнхжүүлэх, дайнд оролцогсод, ахмад дайчиддаа хүндэтгэл үзүүлэх, тэдний эх оронч сэтгэл, зүтгэлийг залуу хойч үедээ өвлүүлэх, ойн медаль гаргах, улс түмний найрамдалт харилцаа, Зэвсэгт хүчний хамтын ажиллагааг баяжуулан хөгжүүлэхэд түлхэц өгөхүйц цогц арга хэмжээг авч хэрэгжүүлэхээр төлөвлөж байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
soliot1 (103.229.121.31)  2014 оны 12 сарын 23

yun chuluuluh dain be. Manaihan Ulaan orosiin nuluuguur l Uursdiin nutagruugaa dairaad, terneesee bolood Hyadatad nutgaa aldaad tenegtee bizdee.Ulaan Oros chin bidnii tusgaar togtnoliig ugui bolgoh gej bur zuil buriin yum hiigee bizdee Hyataduudtai niilj , Bid martahgui eeee

0  |  0
Top