Зургадугаар сарын 1-нд хүүхдээ гадуур авч явахгүй байхыг анхааруулж байна

Эрүүл мэнд, спортын яамны Шуурхай удирдлагын төвөөс мэдээлж буйгаар, сүүлийн үеийн мэдээллээр нийслэлийн долоон дүүрэг, 17 аймагт улаанбурхан өвчний 7405 сэжигтэй тохиолдол бүртгэгдээд байна. Үүнээс 508 хүн лабораторийн шинжилгээгээр, 752 хүн эпидемиологийн холбогдол, эмнэлзүйн шинж тэмдгээр улаанбурхан өвчин туссан нь батлагдаад байгаа ажээ. Орон даяар улаанбурхан өвчний дэгдэлт буурахгүй байгаа тул хүүхдийн баяраар хүүхдүүдээ  гадуур авч гарахгүй байхыг Нийгмийн эрүүл мэндийн хүрээлэнгээс эцэг, эхчүүдэд анхааруулж байна.