Сэрэмжлүүлэг: Манай улсад хуурамч будаа орж иржээ

Урд хөршөөс манай улсад эрүүл мэндийн шаарлага хангаагүй, хүнсний эрүүл ахуй, эрүүл мэндэд заналхийлэсэн хүнсний бүтээгдэхүүнүүд нилээдгүй орж ирдэг. Сүүлийн үед олны анхаарлыг татаад байгаа зүйлийн нэг бол Хятад улсад төмс, хиймэл резиний хольцоор хийсэн хуурамж будаа худалдаалагдаж байгаа мэдээлэл юм. Энэхүү хуурамч будаа нь Хятадын Шаньси мужаас гаралтай бөгөөд тус улсын зах зээлд маш ихээр борлуулагдаж байгаа аж.

Тус улсын мэргэжлийн байгууллагуудын мэдэгдснээр хуурамч будааг жинхнээс ялгахад маш их бэрхшээл тулгарч байгаа гэнэ. Учир нь хуурамч будаа үзэгдэх байдлын хувьд жинхнээсээ бараг ялгагдахгүй байгаа аж. Тиймээс Хятад улсын мэргэжлийн байгууллагаас “Будаа худалдан авахтай сайтар шалгахыг сануулаад энэхүү будааг хэргэлсэн тохиолдолд биед маш хортой нөлөө үзүүлнэ” гэдгийг сануулжээ. Харин тус улсын зарим хэвлэл мэдээлэлд энэхүү хуурамч будаа Энэтхэг, Индонез, Вьетнам зэрэг улсууд руу худалдаалагдсан гэх мэдээллийг гаргасан. Тэгвэл манай улсад хуурамч будаа орж ирсэн талаар нэгэн хэрэглэгч цахим хуудсаар дамжуулан мэдээллээ. Тус хэрэглэгчийн хэлж байгаагаар будаагаа угаагаад гараараа хутгаад автал шохой шиг үүрч, бутарч унаж байна гэсэн байгаа юм. Ямартай ч иргэн та хүнсний бүтээгдэхүүнээ сонгохдоо чанартай баталгаатай газраас худалдан авалт хийж байхгүй бол энэ мэт аюул бидний дэргэд байгаа юм.