Хүүхэд харах үйлчилгээний тухай хууль батлагдаж, ирэх жилээс хэрэгжиж эхлэхээр болоод байгаа билээ. Тэгвэл энэ үйлчилгээ нь 2-6 насны хүүхдийг эрүүл аюулгүй орчинд асран халамжлах, хамгаалах, хооллох, тоглуулах, амраах үйл ажиллагааг бөгөөд хүүхэд харагч нь дараах шаардлагат нийцсэн байх юм. Үүнд,
-бүрэн дунд болон түүнээс дээш боловсролтой,
-хүүхэд харах үйлчилгээний тусгай сургалтад хамрагдаж гэрчилгээ авсан,
-бага насны хүүхэдтэй харилцах арга зүй эзэмшсэн,
-халдварт болон сэтгэцийн өвчингүй,
-эрүүл,
-гэмт хэрэгт холбогдож байгаагүй
-18-65 насны Монгол Улсын иргэн байна хэмээн заасныг танилцууллаа.
Мөн хүүхэд харах үйлчилгээ эрхлэх зөвшөөрөл авсан нэг хүүхэд харагчид оногдох хүүхдийн тоо таваас илүүгүй байх, хүүхэд харах үйлчилгээний нэг байранд 15-аас илүүгүй хүүхэд байхаар заасан байна.
Хүүхэд харах үйлчилгээний тухай хууль нь 2016 оны 01 дүгээр сарын 01-ний өдрөөс эхлэн хэрэгжих юм. Энэ хугацаанд хуулийн хэрэгжилтийн бэлтгэл ажил хийгдэж, Засгийн газрын журам гарах юм байна.
Сэтгэгдэл ( 0 )