Лу.Гантөмөр: Би мэдлэгийн эдийн засгийг Монголдоо бий болгохын төлөө бүх амьдралаа зориулна

Ардчилсан намын даргыг сонгох санал хураалтын өдөр ойртсоор байна. Таван нэр дэвшигчээс боловсрол, ёс жудаг, зохион байгуулах, удирдах чадвараараа эрс ялгардаг гэх эрхмээр БСШУ-ы сайд асан Лу.Гантөмөр тодроод буй. Түүнийг энэ намын ирээдүйн өнгө, итгэл найдвар гэж гишүүд, дэмжигчид нь харж байна.Мөн Лу.Гантөмөрийг намын даргаар сонгогдвол энэ сонгууль шударга, үнэн болсонд итгэнэ гэхч хүмүүс байгаа юм. Ингээд түүний сонгуулийн сунгааны үеэр олон нийтэд хандаж хэлсэн онцлох 10 эшлэлийг хүргэе.

1. Мэдлэгийн эдийн засгийг өргөжүүлэхэд өвөг дээдсээс маань үлдээсэн давтагдашгүй өв, соёл, зан заншил асар чухал нөлөөтэй

2. Хүүхэд чинь ямар ч сайн багштай байсан хамаагүй хамгийн том багш бол аав та өөрөө! Ээж та өөрөө! Аав, ээжүүд би өөрөө ямар хүн бэ гэдгээ эхлээд харах хэрэгтэй.

3. Бидний цорын ганц хөгжлийн гарц бол мэдлэг, оюун ухаан, боловсрол.

4. Эх орон гэж цээжээ дэлдэж байгаа популистууд бол хамгийн хуурамч хүмүүс. Би тэдний хэнд нь ч итгэхгүй.

5. Мэдлэг оюун ухаан бол эрх мэдэл, эд баялаг, эв нэгдэл, хариуцлага, хөгжил, бүх зүйл! Шинэ үе биднээс цоо шинэ бодлого нэхэж байна

6. Би мэдлэгийн эдийн засгийг Монголдоо бий болгохын төлөө бүх амьдралаа зориулна

7. Бид залуу үеэ боловсролтой, зөв хүн болгоход бүх анхаарлаа төвлөрүүлэх ёстой.

8. Өнөөдөр та хоосон хонож болно. Ирээдүйд хоосон хонох 100 өдөр битгий ирээсэй гэж эцсийн сохор зоосоо хүүдийнхээ боловсролд зарцуул.

 9. 20-р зууны хөгжлийн бодлого 21-р зуунд гологдож байна. Шинэ үе биднээс цоо шинэ бодлого нэхэж байна!

10. Бид гэрлийн чухлыг харанхуйд орж байж л мэдэрдэг. Үүнтэй адил эрх чөлөөний үнэ цэнийг дарангуйлалд автахаараа л ойлгодог.

Б.Энх-Уянга

www.zindaa.mn