Эрүүл мэндэд хоргүй хүнсний зориулалтын савны үйлдвэртэй танилцлаа

2017 оны 05 сарын 23

Иргэд ахуйн хэрэглээний ундны ус, сүү тараг, айраг, жүүс зэрэг хүнсний бүтээгдэхүүнийг хадгалах, зөөж тээвэрлэхдээ хүнсний бус зориулалттай төрөл бүрийн өнгөтэй сав хэрэглэдэг. Энэ нь иргэдийн эрүүл мэндэд сөргөөр нөлөөлдөгийг эрдэмтэд тогтоосон байна. Тэгвэл импортыг орлох, эрүүл мэндэд хор нөлөөгүй хуванцар савыг дотооддоо үйлдвэрлэж байна. Хотын даргаар ахлуулсан баг өнөөдөр СХД-ийн 22 дугаар хороонд байрлах “Аргил Сувд” ХХК-ийн үйл ажиллагаатай танилцлаа. 

Тус компани нь 10 гаруй жил үйл ажиллагаа явуулж байгаа бөгөөд 20 литрийн хуванцар сав нь хоёр талдаа бариултай, их бие болон тагийг хүнсний зориулалттай өндөр нягттай полиэтилэн материалаар хийсэн, кранттай жижиг цорготой учраас шингэнийг юүлэхэд илүү хялбар зэрэг давуу талтайг албаныханд танилцуулсан юм. Хуванцар савыг 20 мянган төгрөгөөр супермаркетуудаар худалдаалдаг байна.

Энэ нь иргэдэд арай үнэтэй тусдаг учраас нийслэлийн зүгээс олноор нь худалдан авч, иргэдэд хөнгөлөлттэй үнээр олгох ажлыг эхлүүлбэл компанийн зүгээс үнээ хямдруулах боломжтой хэмээн “Аргил Сувд” ХХК-ийн захирал И.Алтанхуяг ярилаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.


 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ЗОЧИН (103.11.192.34)  2017 оны 05 сарын 24

ҮНДЭСНИЙ ГЭХЭЭРЭЭ Л ҮНЭТЭЙДҮҮ БОЛООД БАЙГАА ШҮҮ ДЭМЖЬЕ ГЭХЭД БАС АНХААРАХ ХЭРЭГТЭЙ ҮЙЛДВЭРЛЭЖ БАЙНА ГЭДЭГ САЙШААЛТАЙ

0  |  0
Gana (122.201.31.198)  2017 оны 05 сарын 23

Eruul mended surug nuluugui buteegdehuun uildverlej baigaa ni saishaaltai ch unee buulgah bolomjtoi l yum bol ter bolomjit uneeree l zarchihval humuus ni bolomj bolomjooroo l avna shd, zaaval niisleld olnoor ni shahah geed bgaa yum uu? Undesnii uildverlegchdedeed orlogo oruuliya gej hicheeh l yum, gehdee manai uildverlegchid het baashtai, hunii umnuus biznes hiij bgaa yum shig l erhleh geed bdgiin.

0  |  0
Top