Хөршүүдтэйгээ нөхөрлөх нь аминд өлзийтэй

Америк эрдэмтэд хөршүүдтэйгээ найзалж нөхөрлөхийг зөвлөжээ. Учир нь нөхөрлөл нь зүрх судасны өвчнөөр өвчлөх магадлалыг багасгадаг тухай судалгааг эрдэмтэд хийсэн байна. Судалгаанд 50 дээш насны 5 мянган айл сайн дураараа хамрагджээ. Тэд зүрх, судасны ямар нэгэн өвчин, эмгэггүй байсан гэнэ. Судлаачид тэдний эрүүл мэндийн үзүүлэлтүүдийг хэдэн жилийн турш хянажээ. Энэ хугацаанд 148 хүн зүрхний шигдээсээр өвдсөн байна.

Хөршүүдтэйгээ дотно, анд нөхдийн харьцаатай хүмүүс зүрх, судасны өвчинд нэрвэгдэх нь хөрш айлтайгаа хөндий хүйтэн харьцаатай хүмүүсээс 67 хувиар бага байсан гэнэ.

Б.Янжиндулам

www.zindaa.mn