Цахилгааны өргүй айлын шөнийн тарифыг төр даана

Засгийн газрын өнгөрсөн долоо хоногийн ээлжит хуралдаанаар “Гэр хорооллын айл өрхөд цахилгааны тарифын хөнгөлөлт үзүүлэх журам”-ыг хэлэлцэн шинэчлэн баталсан билээ. Журмын дагуу нийслэлийн гэр хорооллын өрх шөнийн цагт хэрэглэсэн цахилгааны   тарифт 100 хувь, аймгийн төв болон 10 мянгаас дээш хүн амтай сум, суурин газрын гэр хорооллын өрх 50 хувийн хөнгөлөлт эдлэх боломжтой болсон. Хөнгөлөлтөд нийт 140 орчим мянган айл өрх хамрагдана гэж тооцоолжээ. Тухайн хэрэглэгч хүйтний улиралд орой, шөнийн цагаар зөвхөн хүн оршин сууж байгаа орон байрны халаалтын болон ахуйн зориулалтаар хэрэглэсэн цахилгаандаа хөнгөлөлт авах юм. Хүйтний улирлын үргэлжлэх болон цахилгааны орой, шөнийн тарифыг мөрдөх хугацаа, хөнгөлөлтөд хамрагдах хэрэглэгчийн цахилгааны хэрэглээний дээд хязгаарыг цахилгаан дамжуулах, түгээх сүлжээний хүчин чадал, техникийн боломжоос хамааруулж Эрчим хүчний зохицуулах хороо тогтооно.

Харин нийслэлийн агаарын чанарыг сайжруулах бүсийг Байгаль орчин, Ногоон хөгжлийн яам, Нийслэлийн Засаг дарга хамтран жил бүр шинэчлэн тогтоож байхаар журамд тусгасан аж. Мөн журамд хэрэглэгч нь стандартын шаардлага хангасан, баталгаажсан тоолуур, цахилгаан хэрэгсэлтэй, цахилгааны болон галын аюулгүй байдлыг хангасан байх, тарифын хөнгөлөлт эдлэхээс өмнө цахилгааны өр төлбөргүй байх зэргийг тодотгожээ.

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 1 )

hoshir [ 202.9.43.91 ]      |     7-р сарын 17 -нд, 05:29 минутанд

battulgiin urnuus gargana gej hoshgirnoos ilvv vnen sonsogdoj bna man namd bayrlalaa

Ба [ 66.181.176.137 ] 7-р сарын 18 -нд, 01:50 минутанд

Баттулгын саналын эхлэл явагдаж байндаа. Дэмжиж буй маны цөөхөнболж байгаа гишүүдэд талархая аааааа