Монгол улсын ГЕГ, Хятадын гаалийн цагдаатай хамтарч ажиллана

Монгол улсын Гаалийн ерөнхий газрын Гаалийн зөрчилтэй тэмцэх газрын төлөөлөгчид, БНХАУ-ын ГЕГ-ын Гаалийн цагдаагийн газрын дарга Лю Сиао Хуй, Хөх хотын Гаалийн цагдаагийн газрын дарга Жоу Жюн нартай уулзжээ.

Тэд гаалийн зөрчил, хар тамхитай тэмцэх чиглэлээр хамтарч ажиллах эрх зүйн орчныг баталгаажуулсан байна. Хамтын ажиллагааны хүрээнд зөрчлийн мэдээлэл солилцох, мэргэшүүлэх сургалт хийх, хар тамхи илрүүлэх техник хэрэгслийн дэмжлэг үзүүлэх зэргийг хоёр тал тохиролцжээ.

Мөн үеэр тус байгууллагаас зургаан төрлийн хар тамхи илрүүлэх 10 иж бүрэн хэрэгслийг манай талд хүлээлгэн өгчээ.

Г.Хан

www.zindaa.mn