АНХААР: Сургуулийн ойр орчим дараах хүнсний бүтээгдэхүүнийг худалдаалахыг хориглоно

Монгол Улсын сургуулийн орчинд хориглох хоол хүнсний түүхий эд, хүнсний бүтээгдэхүүний жагсаалтыг Нийслэлийн эрүүл мэндийн төвөөс гаргасан байдаг юм байна. Үүнд: 

1. Чихэр, мөхөөлдөс, шоколад зэрэг энгийн нүүрс ус ихтэй хүнсний бүтээгдэхүүн
2. Нийлэг буюу химийн аргаар гарган авсан кремтэй бүтээгдэхүүн
3. Бүх төрлийн цуужуулсан, утсан, лаазалсан, бүтээгдэхүүн (давсалсан самар, цуу, загас, хиам, махан бүтээгдэхүүн, зайдас)
4. Өндөг, хуурай өндөг, майонез
5. Байгалийн бус өтгөрүүлсэн сироп ашиглаж үйлдвэрлэсэн бүх төрлийн шүүс
6. Бүх төрлийн хийжүүлсэн ундаа
7. Кофе
8. Их тосонд шарсан бүтээгдэхүүн, хоол хүнс (шарсан төмс, шаржигнуур тахиа)
9. Түргэн хоол (пицца, гамбургер, хотдог)
10. Төрөл бүрийн нийлэг химийн аргаар гаргаж авсан хоол амтлагч (вигор, дошида)
11. Шөлний тос, өөхөн тос түүгээр хийсэн бүтээгдэхүүн (гэрийн хайрсан боорцог, мушгиа боов)
12. Хайлуулсан элсэн чихэрт дүрж амталсан гурилан бүтээгдэхүүн
13. Дулааны боловсруулалтанд орсноос хойш тасалгааны хэмд 3 цаг буюу түүнээс дээш хугацаанд хадгалсан болон хоносон хоол, хүнсний бүтээгдэхүүн
14. Холбогдох хяналтын байгууллагаас эрсдэлийн үнэлгээ хийлгээгүй хувиргасан амьд организмаас гаралтай хүнсний түүхий эд, бүтээгдэхүүн, биологи (бактер буюу нян, хөгц мөөгөнцөр г.м) болон химийн бохирдол (ариутгагч бодис, шавьж устгалын бодис г.м)-оор бохирдсон хүнсний бүтээгдэхүүн, түүхий эдээр бэлтгэсэн хоол хүнс
15. Технологийн горим мөрдөөгүй хийсэн (дулааны боловсруулалтанд дутуу оруулсан, боловсруулалтын хугацаа алдагдсан г.м) хоол хүнс
16. Төрөл бүрийн гүн болон хагас хөлдөөсөн бүтээгдэхүүн
17. Дагалдах бичиг баримтгүй (шинжилгээний бичиг, гарал үүслийн бичиг) хүнсний бүтээгдэхүүн, түүхий эдээр бэлтгэсэн хоол хүнс
18. Хувь хүнээс (гар дээрээс) шууд худалдан авсан хүнсний бүтээгдэхүүн, түүхий эдээр хийсэн хоол хүнс
19. Хоол, хүнсний бүтээгдэхүүн бүхэлдээ буюу зарим хэсэг нь бохирдсон, ялзарч муудсан, эсвэл хүнсний хэрэгцээнд тохирохгүй болсон.
20. Өвчтэй болон үхсэн мал, амьтны мах, дотор эрхтэн
21. Мах махан бүтээгдэхүүнд хөнөөл учруулах, хордуулах, ялзруулагч бодис агуулсан материалаар хийсэн сав, боодол ашигласан... хэмээн жагсаажээ

Гэтэл энд дурдагдсан бараг бүх хоол хүнс сургуулийн ойролцоо зарагддаг гол нэрийн хүнс нь байх жишээтэй. Өөрөөр хэлбэл, манай улсад хууль журмаа дагадаггүйн том жишээ энэ буюу.  Хичээлийн шинэ жил эхэлж байна. Энэ асуудлыг холбогдох газар нь анхааралдаа авч, сургуулийн ойр орчим зарагдаж байгаа хүнсний бүтээгдэхүүнд хяналт тавих цаг болсныг үүгээр сануулья

С.Баяр

Эх сурвалж: Zindaa.mn