Хятадын соёлын нэг усан будгийн зургийн үзэсгэлэн энэ сарын 20-25-ны өдрүүдэд олон нийтийн хүртээл болно

Хятадын хаадын урлаг гэж нэрлэгддэг усан будгийн зураг яруу тансаг олон талын утга агууламжийг шингээсэн байдаг. Тэгвэл энэхүү урлагийг монголын үзэгчдэд сурталчилан таниулах зорилгоор Хятадын алдарт зураач Рэн Вэн Донгийн усан будгийн зургийн үзэсгэлэнг олны хүртээл болгож байна. Хятадын хаадын урлаг гэж нэрлэгддэг усан будгийн зураг яруу тансаг олон талын утга агууламжийг шингээсэн байдаг. Тэгвэл энэхүү урлагийг монголын үзэгчдэд сурталчилан таниулах зорилгоор Хятадын алдарт зураач Рэн Вэн Донгийн усан будгийн зургийн үзэсгэлэнг олны хүртээл болгож байна. 

БНХАУ-ын алдарт зураач Рэн Вэн Донгийн зурсан усан будгийн бүтээлүүд зөвхөн Хятаддаа төдийгүй олон улсад хүлээн зөвшөөрөгдсөн байдаг. Утга уянгын яруу тансгийг усан будгаар илэрхийлсэн, ихэмсэг үзэмж төгс эдгээр бүтээлүүд Монголын уран зураг сонирхогчдын хүртээл болж байгаа нь энэ юм. Энэхүү үзэсгэлэнд тавигдахаар 50 гаруй бүтээл ирсэн ч тэдний хамгийн шилдэг гэсэн 30 гаруй зургийг үзэсгэлэнд дэлгэжээ.     Уран зургаар хүний сэтгэлийг хөдөлгөж, инээлгэж бүр уйлуулж ч болно. Гэхдээ зургийн төрөл бүр хүний сэтгэлийг хөдөлгөх өөр өөрийн өвөрмөц хүчтэй байдаг. Тэгвэл усан будгийн зураг түүнийг үзэж байгаа үзэгчдэд тайвшрал, амар амгалан байдлыг мэдрүүлж чаддаг гэж урлаг судлаачид үздэг юм.  Энэхүү үзэсгэлэнгээр дамжуулан Хятадын усан будгийн урлагийг Монголын үзэгчдэд сурталчилан, энэ урлагийн цаад тансаг байдлыг нь мэдрүүлэхийг зорьж байгаа юм. Үзэсгэлэн энэ сарын 20- 25-ны өдрүүдэд Central Tower-ын 7 давхарт байрлах Улаанбаатар хот дахь Хятадын соёлын төвийн байранд олны хүртээл болж байна.

 

 

 

Онцлох, олны анхаарлын төвд байгаа мэдээ мэдээллийг хүлээн
авахыг хүсвэл манай Фэйсбүүк мессенжерт холбогдоорой!

Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 0 )