Сангийн яамны байр суурь эрс өөрчлөгджээ

Монгол Улсын Ерөнхийлөгчийн Тамгын газраас Сангийн яам руу Монгол Улс Европын Холбооны хар жагсаалтад орохоос 4 сарын өмнө буюу 2017 оны 8 дугаар сарын 4-нд албан бичиг явуулж байжээ. Энэ бичгийн зорилго нь Монгол Улсад үйл ажиллагаа явуулдаг үндэстэн дамнасан корпорацууд (жишээ нь: Рио Тинто)-аас татвараа бүрэн авахын тулд BEPS (Base Erosion Profit Shifting буюу “Татварын Суурийг Багасгаж Ашгийг Гувчуулах) төсөлд яаралтай нэгдэн орохыг санал болгосон хүсэлт байсан юм.

Уг хүсэлтийн хариуг Сангийн яамнаас 2017 оны 9 дүгээр сарын 1-нд ирүүлсэн бөгөөд хариуг доор хавсаргасан албан бичгээс харж болно.

Гэтэл шинэ Засгийн газар гарснаас хойш Европын холбооны зөвлөлийн Ёс зүйн бүлгийн даргад 2017 оны 11 дүгээр сарын 29-нд бичсэн захидлаас нь харахад ердөө 4 сарын дотор Сангийн яамны байр суурь эрс өөрчлөгдсөн байгаа юм. /Захидлын агуулгыг орчуулгаас уншина уу/

Монгол Улсын ажил, бодлого зарчим дээр суурилан улс орны язгуур эрх ашгийн төлөө байх ёстой атал тухайн үеийн сайдаасаа хамааран явагдах учиргүй юм.

САНГИЙН ЯАМНЫ БАЙР СУУРЬ БҮХИЙ ХАРИУ ЗАХИДЛЫГ ОРЧУУЛАВ.

Утга: OECD - Эдийн засгийн хамтын Ажиллагаа Хөгжлийн Байгууллага (ЭЗХАХБ)-ын Глобал форумын BEPS ба MAC (Multilateral Agreement Convention – Олон талт Хэлэлцээрийн Конвенц) -ийн талаарх Сангийн яамны байр суурь

Би таны 2017 оны 10-р сарын 23-ны өдрийн захидалд хариу бичиж байна.
Мэдээлэл харилцан солилцох, BEPS-ийн санаачилгыг нэвтрүүлэх замаар татвараас зайлсхийх явдлыг таслан зогсоох, татварын бааз суурийг хамгаалахын төлөө ЭЗХАХБ-ын хичээл зүтгэлийг Монгол улсын Сангийн яам өндөр үнэлж дэмжсэн.

Бид, Глобал форумын эхэлсэн цагаас хойших үйл ажиллагаа, үр дүнг идэвхтэй хянан ажиглаж байна. Монгол Улсын Сангийн яамны хувьд форумын үзэл санааг дэмжиж, 2017 оны 10 дугаар сард Тбилис хотноо болсон Глобал форумын бүсийн уулзалтад төлөөлөгчдөө явуулж форумын ажилтнуудтай харилцаа холбоогоо өргөжүүлсэн. Бид Форумд нэгдэхэд тавигдсан шаардлагуудыг хянан үзэж Форумд оролцохын тулд авах арга хэмжээнүүдийг нягталж байна.

Гэсэн хэдий ч, Глобал форумын санаачилгыг хэрэгжүүлэхэд хоёр үндсэн саад байна. Нэгдүгээрт, манай улсын хууль тогтоомжоор, Монгол Улсын татварын албаны банкны мэдээлэл авах боломж нь хязгаарлагдмал учраас Форумын шаардлагад нийцэхгүй байна. Хоёрдугаарт, Монголын татварын системийн техникийн дэд бүтэц, аюулгүй байдал нь Форумын стандартыг дагаж мөрдөхөд хангалтгүй байна.

Үүний зэрэгцээ, бид татварын гол гол хуулиудаа шинэчлэх хуулийн төсөл боловсруулж байгаа бөгөөд үүнд Форумын шаардлагатай холбоотой заалтуудыг тусгасан. Форумд нэгдэхийн ач холбогдлыг бид ойлгож байгаа бөгөөд нэгдэх асуудлаар Засгийн газар ба УИХ-ын шатанд эцсийн шийдвэр гарахыг хүлээж байна. Бид Глобал форумын нарийн бичгийн дарга нарын газраас зохион байгуулж буй танилцуулах хөтөлбөрийг явуулж Глобал форумыг сонирхож байгаагаа илэрхийлэн албан ёсоор захидал хүргүүлэн нэгдэнэ. Нэгэнт Глобал форум ба MAC нь хамтдаа тул, улмаар бид гарын үзэг зурж соёрхон батална гэж бодож байна.

BEPS-ийн Хамаарах хүрээний гишүүнчлэлтэй холбоотой асуудлаар зарим зүйлд бид эргэлзэж байна. BEPS-ийн хэрэгжилт нь хөгжиж буй орнуудын татварын байгууллагуудын хувьд төвөгтэй учраас BEPS-ийн Хамрах хүрээний гишүүнчлэлд оролцох хүсэлт гаргах нь Монголын татварын албанд бэрхшээлтэй байх болно. Бид BEPS-ийн зарим үйл ажиллагааг удирдан явуулж чадах хүртэлх хэмжээндээ дотоодын хууль тогтоомждоо шинэчлэн нэгтгэж байна. Цаашид BEPS-ийн үйл ажиллагаанд нэмэлт үнэлгээ хийх болно. Иймд бид энэ цаг үед Хамрах хүрээнд нэгдэж чадахгүй.

Хүндэтгэсэн,
БУЛГАНТУЯА Хүрэлбаатар
Сангийн Яамны Дэд сайд

Эх сурвалж: president.mn