20 настай украин модель Елизавета Кузьменко долоо хоногийн өмнө Лос-Анжелест осолд оржээ. Бүсгүй маш хүнд гэмтэл авсан байна. Олон мэс засал хийсэн ч бүсгүй хүзүүнээсээ доош саажилттай болж үлджээ. Хамгийн сүүлд Лизагийн элэг болон хугарсан дээд эрүүнд нь мэс засал хийсэн байна. Гэхдээ мэдрэлийн зарим тогтолцоог нь сэргээж чадаагүй гэнэ. Бүсгүй өөрөө амьсгалж чаддаг болох эсэх нь ч эргэлзээтэй байгаа аж.
Лизатай хамт таксинд гэрэл зурагчин Наталья Кордано, Америкийн продюсер Южин Ефуши, модель Инга Шевченко нар байжээ. Тэдний сууж явсан таксиг согтуу жолооч ирж мөргөсөн байна. Жолооч хэргийн газраас зугтахыг завдсан ч хүмүүс барьж авчээ.
Алдар хүнд нь өсч явсан залуу модель бүсгүйн ээж дээрх мэдээг сонсоод хаана байгаа, хаашаа явах гэж буйгаа ч мэдэхээ больжээ. Лизагийн найз нар мөнгө цуглуулан ээжийг нь Лос-Анжелес руу явуулахаар бэлтгэж байгаа аж.
О.Саша
Сэтгэгдэл ( 4 )
хөөрхий дээ, хөл дээрээ босоосой
бурхан өршөө
Бурхан түүнийг ивээг.
Босоод ирээсэй. Эргээд тайзан дээрээ алхаасай. Бурхан өршөөг