Чөлөөт бөхийн УАШТ эхэллээ

 Жил бүрийн нэгдүгээр сард зохиогддог уламжлалтай Чөлөөт бөхийн насанд хүрэгчдийн Улсын аварга шалгаруулах тэмцээн өнөөдөр Орхон аймагт эхэллээ. Тус аймагт гурав дахь удаагаа болж буй уг тэмцээн энэ удаа “Эрдэнэт үйлдвэр” ХХК-ийн 40 жилийн ойнхүрээнд зохиогдож буйгаараа онцлогтой юм.
 энэ удаагийн УАШТ-нд хот хөдөөгийн нийт 25 багийн 300 орчим тамирчин оролцохоор бүртгүүлсэн байна.

Тэд эрэгтэй, эмэгтэй 10-н жинд хурд, хүч, авьяас чадвараа сорих юм.Гурван өдрийн турш үргэлжлэх тус тэмцээнд Олимпийн хүрэл медальт, дэлхийн хошой аварга С.Батцэцэг, дэлхийн аварга П.Орхон, Олимпийн хүрэл медальт С.Ням-Очир нарын алдартнууд  барилдах юм байна. Тэмцээнийг олон улсын зэрэгтэй 20, улсын зэрэгтэй 24 нийт 44 шүүгч шүүж байгаа ажээ. Дашрамд сонирхуулахад Орхон аймагт Чөлөөт бөхийн насанд хүрэгчдийн Улсын аварга шалгаруулах тэмцээн 1986, 2003 онуудад болж байжээ.

Л.Зул

www.zindaa