“Дархан хил – Пёнчан-2018” олимпийн туг аялуулах аяныг эхлүүллээ
Монголын үндэсний олимпийн хороо, Хил хамгаалах ерөнхий газар, Монголын цанын холбооноос “Пёнчан – 2018” өвлийн XXIII олимпийн наадамд оролцох Монголын баг тамирчдыг дэмжих, олон нийтэд өвлийн спортыг сурталчлах зорилготой “Дархан хил – Пёнчан-2018” Олимпийн туг аялуулах аяны эхний ёслол 01 дүгээр сарын 21-ний өдөр Үндэсний цэцэрлэгт хүрээлэнд зохион байгууллаа.
Ёслолд Монголын үндэсний олимпийн хороо, Монголын цанын холбооны удирдлага, Хил хамгаалах байгууллагын бие бүрэлдэхүүн, "Пёнчан - 2018" Өвлийн олимпийн наадамд оролцох эрхийн болзол хангасан тамирчид оролцов.
Мөн Дэлхийн цасны өдрийг тохиолдуулан зохион байгуулагдсан энэхүү арга хэмжээнд нийслэлийн 179 дүгээр цэцэрлэгийн багачууд оролцож гимнастикийн үзүүлбэр үзүүлэн баяраа тэмдэглэлээ.
Олон нийтэд өвлийн спортыг сурталчлах зорилготой Дэлхийн цасны өдрийг 2011 оноос олон улсад тэмдэглэж эхэлсэн бол манай Монгол улс 2015 оноос энэхүү хөдөлгөөнд нэгдэж уламжлал болгон тэмдэглэж байна.
Холбоотой мэдээ
Сэтгэгдэл ( 1 )
Хийх юмаа олж ядсан дуракууд туг аялах нь хэнд хэрэгтэй юм бэ?Бас л төсвийн мөнгийг үр ашиггүй зарцуулах хоцорсон арга л даа.