Сурагчдын бүтээлийг худалдан авсан мөнгийг дансанд нь байршуулна

 Орхон аймгийн Засаг дарга Д.Батлут ерөнхий боловсролын XX сургуулийн  90 сурагчийн шилдэг бүтээлийг орон нутаг худалдан авч аймгийн бэлэг, дурсгалын багцад оруулах санал гаргажээ. Энэ нь сурагчдын бүтээлийг үнэлэх, хүүхдийг багаас нь хэрэглэгч бус үйлдвэрлэгч болох хандлагыг төлөвшүүлэхэд чиглэж байгаа аж. Сурагчдын урласан  уран зураг, цаасан болон эсгий урлал, хайчилба, бусад бүтээлийг  орон нутаг худалдан авч хүүхэд тус бүрийн хадгаламжийн дансанд нь мөнгийг нь шилжүүлэх юм. Ингэснээр хүүхдүүд урласан бүтээлээ үнэлүүлэх, урамших, бүтээлч сэтгэлгээгээ хөгжүүлэх, санхүүгийн сахилга батад суралцах гээд олон давуу талтай юм. 

А.Эрдэнэ

www.zindaa.mn