Казахстаны уран гулгагч хутгалуулж амиа алджээ

Автор | Zindaa.mn
2018 оны 07 сарын 20

Өнгөрсөн долоо хоногт 25 нас хүрээд байсан Денис Тэн Казахстаны уран гулгалтын төрлөөр олимпийн медаль зүүсэн  анхны тамирчин байжээ. Денис Тэн нь 2014 оны Сочигийн Олимпийн хүрэл медальт, 2013, 2015 онуудын дэлхийн аваргын мөнгөн медальт тамирчин юм. 

Тэрээр гэдсэндээ хутгалуулсны улмаас эмнэлэгт хүргэгдэн тэнд хоёр цаг орчим үргэлжилсэн хагалгаа хийсэн ч дотор эрхтнүүд нь ноцтой гэмтсэн ба шархаа даалгүй амиа алдсаныг тус улсын эрүүл мэндийн яам мэдээлжээ. Цагдаагийн урьдчилсан дүгнэлтээр түүний машины толийг хулгайлах гэж байсан хоёр этгээд тамирчныг хутгалаад зугтаасан гэнэ.   

Уг тамирчин  Солонгос цагаачдын үр удам байсан юм байна. Тамирчны үхэлтэй холбогдуулан Олон Улсын Уран Гулгалтын Холбоо, Казахстаны Спорт, Соёлын яам, Казахстаны үндэсний олимпийн хороо эмгэнэлийн мэдэгдэл гаргажээ.

 

Э.Сүрэн

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Oko (182.160.33.124)  2018 оны 07 сарын 21

Evii evii zoriud alsan baiha.hairan huu

0  |  0
Зочин  (66.181.177.188)  2018 оны 07 сарын 20

Ум ма ни бад мэ хум. Харамсалтай байна хайран хүү.

0  |  0
Top