Стив Жобс хөндий хүйтэн, харамч эцэг байжээ
“Apple”-ийг үүсгэн байгуулагч Стив Жобсын том охин 40 настай Лиза Бреннан-Жобс дурсамж номоо бичжээ. Тэрбээр дурсамждаа алдарт Стив Жобс ямар эцэг байсан талаар бичсэн байна. Ном ирэх сарын эхээр худалдаанд гарах гэнэ. “Vanity Fair” сэтгүүл уг номын хэсгээс хэвлэжээ.
Стив Жобс 2011 оны аравдугаар сарын 5-нд хорт хавдраар нас барсан билээ. Тэрээр 56 настай байсан юм. Стив амьсгал хураатлаа охинтойгоо учраа олоогүй гэдэг. Тэдний харилцаа тун адармаатай байжээ. Охины ээж Крис Бреннан, Стив Жобс нар 1972 онд Калифорниад хамт сурч байхдаа танилцсан байна. Тэд олон жил хамт байсан ч Крисийг жирэмсэн болоход Жобс түүнийг хаяж, хүүхдээ өөрийнх нь биш гэж байжээ. Бизнесмен эр охиноо тоолгүй удсан байна. Крис хоёр жилийн хугацаанд өөрийгөө болон охиноо тэжээхийн тулд зөөгч, цэвэрлэгч хийжээ. 1979 онд ДНК сорилоор Лизаг Жобсын хүүхэд гэдгийг батлахад Стив гэр бүлтэйгээ шүүхэдсэн гэдэг. Тэрээр өөрийгөө үргүй гэж баталж байжээ. Харин хожим нь Жобс Лорин Пауэллтэй гэрлэж гурван хүүхэдтэй болсон билээ.
1983 онд тэрбумтан болсон Стив Жобс том охиндоо мөнгө зарцуулж эхэлжээ. Стив охинтойгоо тоотой хэдэн удаа л уулздаг байсан аж. Тэрээр харамч, хайхрамжгүй хэвээрээ байсан талаар Лиза номдоо бичсэн байна. Охин аавыгаа шинэ машин авах гэж байгааг мэдээд хуучин “Porshe”-гоо өгөөч гэж гуйжээ. Гэтэл Жобс “Чи юу ч авахгүй. Ойлгож байна уу, чи надаас юу ч авахгүй” гэж хариулсан байна.
Цагийн аясаар том болж буй охин, нас нэмж байсан Стив нар харилцан ойлголцох болжээ. Стив Лизагийн Харвардад сэтгүүлчээр сурах төлбөрийг нь төлсөн байна. Гэсэн ч охинтойгоо хөндий хүйтэн харьцсан хэвээрээ байжээ. Харин Лиза эцгээ өвдөхөд нь асарч байсан гэдэг. Охин Стивийн амьдралын сүүлчийн өдрүүдэд нь аавдаа тэврүүлж чадсан гэж дурсамж номдоо өгүүлжээ.
О.Саша
Холбоотой мэдээ
Сэтгэгдэл ( 13 )
харамч мөнгөний төлөө хүн байжээ
Бүх зүйлийг мөнгө шийддэг хэмээн үзэж үргэлж л түүний төлөө санаа нь зовниж явдаг хүмүүс ходоод,элэгний хорт хавдраар өвчилдгийг судалгаа нотолсон байдаг.
Uhruud yugaa medehev
xogiin gar baijee tegeed l ert dald orson baina xoxino
Арчаагүй эр.
Мөнгөө аваад үхнэ гэж боддог байсан байна. Стив Жобс одоо хаана юу хийж яваа бол?
Анхны эхнэр нь мань хүнийг араар нь тавьж гомдоосон бололтой, араар тавьж баригдахаасаа өмнөх сүүлийн унталтаар жирэмсэн үлдсэн тул Стив өөрийн хүүхэд үлдсэн гэхэд нэг хэсэгтэй итгэхгүй байсан бололтой. ийм үед нөхөр ийм зан гаргах нь ойлгомжтой, тэгээд ч өсгөхөд нь оролцоогүй тул хөндий байх нь ч ойлгомжтой. харин сүүлд ойлголцсон нь яамай да
hunii amidraliig hen dotroos ni oilgoh ve dee ingeh heregtei baisan ch um biluu
Utgaggui teneg bichver boljee.
Тэгээд бас Буддын шашинтан гээд байгаа. Христчин байсан нь дээр байж дээ