Засгийн газар “Рио Тинто” компанид дотоодоос эрчим хүчээ хангах санал тавьжээ
Монгол Улсын Засгийн газар, Эрчим хүчний яамнаас “Рио Тинто” компанид ирэх оны нэгдүгээр сарын 01-нээс эрчим хүчний хэрэгцээгээ Монголоос хангах санал тавьжээ. “Оюутолгой” төсөл үйл ажиллагаа явуулж эхэлсэн цагаасаа БНХАУ-аас 100 хувь түлшний хэрэгцээгээ хангаж буй юм. “Рио Тинто” компани БНХАУ-ын талд үүний төлөө 150 орчим сая ам.доллар төлдөг ажээ.
“Монгол Улсын Засгийн газар “Рио Тинто” компанид гэрээнд заагдсан үүргээ биелүүлж Монгол Улсаас эрчим хүчний хэрэглээгээ хангах санал тавьсан. Эхний ээлжид тал хувийг одоогоос хоёр жилийн дараа 100 хувь хангахыг хүссэн байгаа. Тэд судалж үзнэ гэсэн” гэж Эрчим хүчний сайд Ц.Даваасүрэн ярилаа.
Одоогоор манай эрчим хүчний систем 100 хувь эрчим хүчээр хангах боломжгүй байгаа тул ойрын хоёр жилийн хугацаанд ТЭЦ 3-г 90 мегаватт, ТЭЦ 4-г 250 мегаватт, зарим блокийг 75 мегаваттаар өргөтгөхөөр болжээ. Түүнчлэн “Амгалан” ДЦС-г эрчим хүч үйлдвэрлэх төсөл хэрэгжүүлэх юм байна. Засгийн газар болон “Рио Тинто” компани ирэх долоо хоногт шийдэлд хүрэхээр болжээ.
Б.Азаа
zindaa.mn
Холбоотой мэдээ
Сэтгэгдэл ( 3 )
Davaasuren gej yu ch medehgui gatsaagch b aa. Ichihed yanaa.
Оюу толгойд өгөх цахилгаан монголд байгаа юм уу. Үүний оронд цахилгааан станц бариулах нь з өв биш үү
ӨӨРСДӨӨ ОРОСООС ЦАХИЛГААН АВДАГ ГЭСЭН, ЯМАР ХОШНОГОО ОЮУ -ТОЛГОЙД ӨГӨХ ЮМ БОЛ.