Питер Динклэйж гурав дахь удаагаа “Эмми” гардлаа
“Хаадын тоглоом” цувралын Тирион Ланнистерийн дүрийг бүтээсэн Америкийн тайз, дэлгэцийн жүжигчин Питер Динклэйж “Эмми”-гийн шагнал гардуулах 70 дахь наадмаас Шилдэг эрэгтэй туслах дүрийн шагнал гардлаа. Тэрбээр өмнө нь 2011 болон 2015 онд мөн “Хаадын тоглоом” цувралд бүтээсэн дүрээрээ “Эмми”-гийн эзэн болж байсан билээ.
Питер Динклэйжтэй хамт Шилдэг эрэгтэй туслах дүр номинацид Николай Костер-Вальдау, Жозеф Файнс, Дэвид Харбор, Мэнди Патинкин, Мэтт Смит нар өрсөлдсөн юм.
Өдгөө 49 настай Питер Динклэйж “Эмми”-гийн шагнал гардуулах ёслолд эхнэр Эрика Шмиттэйгээ хамт иржээ. Түүний эхнэр Эрика нь театрын найруулагч юм. Тэд 2005 онд гэр бүл болсон, өдгөө хоёр хүүхэдтэй билээ. Жүжигчин эр одойжилт үүсгэдэг удамшлын өвчтэй төрсөн аж. Түүний биеийн өндөр нь 135 см.
О.Саша
Холбоотой мэдээ
Сэтгэгдэл ( 0 )