Азийн хөгжлийн банк сэргээгдэх эрчим хүчний 80 сая ам.долларын төсөв баталлаа

Азийн хөгжлийн банкны захирлуудын зөвлөл Монгол улсад 41 мегаваттын хүчин чадалтай сэргээгдэх эрчим хүчний төвлөрсөн бус хангамжийн системийг хөгжүүлэх 80 сая ам.долларын зээлийн төслийг баталлаа.

Энэ нь хөгжлөөр харьцангуй сул гэгдэх баруун бүс, алслагдмал сум, сууринг эрчим хүч, дулаанаар хангах зорилготой ажээ. Азийн хөгжлийн банкны судалгаагаар Монгол Улс эрчим хүчний хувьд хөрш орнуудаас хараат, баруун бүсийн бүс нутгууд хөгжлөөр сул, сум суурин төвлөрсөн дулаан, цахилгаанд хамрагдаж чаддаггүй гэж гарсан байна.

Зөвхөн сэргээгдэх эрчим хүчний ганц төслөөс гадна 25 сая ам.долларын санхүүжилт олгохоор болсон байна. Сэргээгдэх эрчим хүчний тухайд өнгөрсөн тавдугаар сард Европын сэргээн босголт хөгжлийн банкнаас нарны эрчим хүчний станц байгуулах төсөл батлагдан бэлтгэл ажилдаа ороод байгаа билээ.

Б.Азаа

zindaa.mn