ХОВД: Ховд их сургуулиас “Оросын соёлын өдрүүд” арга хэмжээг зохион байгуулав

  Ховд их сургуулийн НХУС-ийн Гадаад хэл, соёл судлалын тэнхимээс уламжлал болгон зохион байгуулдаг “Оросын соёлын өдрүүд” үйл ажиллагаа 10 дугаар сарын 29-ны өдрөөс 11 сарын 2-ны хооронд амжилттай болж өндөрлөлөө. Тус үйл ажиллагаа нь 10 дугаар сарын 29-нд “По миру русских книг” үзэсгэлэн, АХА тэмцээнээр эхэлсэн юм.

Түүний дараагаар Ховд их сургуулийн оюутнуудад зориулсан кино үдэш, Европ судлалын тэнхимийн оюутнуудын дунд уран уншлага, түргэн хэллэг, жүжигчилсэн тоглолтын уралдаан, оюутан, сурагчид, иргэдийн дунд “Орос дуу хэн сайн дуулах вэ?” уралдаан, орос хэлний багш нарын дунд “Русский вечер” дугуй ширээний ярилцлага, уулзалтыг зохион байгуулав. Монголын энх тайван, найрамдлын байгууллагын 60 жилийн ой болон Монгол-Оросын найрамдал, хамтын ажиллагааны өдрүүдийн хүрээнд ХИС-ийн оюутнууд, ЕБС-ийн сурагчид, аймгийн иргэдэд орос хэл, соёлыг сурталчлан таниулах, тэдний орос хэл сурах хүсэл эрмэлзлэлийг нэмэгдүүлэхэд энэхүү үйл ажиллагааны зорилго нь чиглэгджээ.


Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэлүүд ( 0 )

Go to top of page