Нийслэлийн Чингэлтэй дүүргийн урсгал зардлын хөрөнгөөр тус дүүргийн 16 дугаар хорооны цогцолбор байрнаас Чингэлтэй-Хайлаастын авто замтай холбогдох 0.64 км авто замын ажлыг хийж гүйцэтгэжээ. Замын нээлтийн үйл ажиллагаа өчигдөр /2018.12.13/ болов.
Шинэ зам барьсантай холбогдуулан 10 өрх хашаагаа татаж, дөрвөн өрх хашаагаа шинэчлэн барьж, мод, зүлэг тарьсан байна. Мөн “Жишиг гудамж” төслийг хэрэгжүүлэн, иргэдийн дөрвөн бүлэг, 23 иргэн 58 айл, өрхийн хашааг жигдлэн засварлаж, будах, хээлэх ажлыг хийсэн. Чингэлтэй дүүргийн 16 дугаар хороо шинэ зам, жишиг гудамжтай болсноор иргэд хөрсний бохирдолгүй, эрүүл, тохилог орчинд амьдрах нөхцөл бүрдэж байна.
Д.ДАМДИН
WWW.ZINDAA.MN
Сэтгэгдэл ( 0 )