Стандарт, хэмжил зүйн газар жинхэнэ даргатай болно

Админ | Zindaa.mn
2023 оны 07 сарын 04

Шадар сайд асан Ө.Энхтүвшин 2019 оны дөрөвдүгээр сард өөрийн ойрын хамаарлын хүн болох Б.Билгүүнийг Стандарт, хэмжил зүйн газрын “Түр дарга”-аар хууль зөрчин томилуулж, улмаар салбарын ажилтнууд эсэргүүцэл илэрхийлж байсан билээ.

Түүнээс хойш тасралтгүй “Түр дарга”-аар удирдуулж байсан энэ агентлагийн даргын албан тушаалын сонгон шалгаруулалт саяхан албан ёсоор зарлагдан С.Батбаатар оноогоор тэргүүлж Агентлагийн даргаар томилогдох болзлыг хангасан байна. Ийнхүү жинхэнэ дарга томилогдсоноор Стандарт, хэмжил зүйн газарт дөрвөн жил гаруй үргэлжилсэн улс төрчдийн хамаатан, ойр дотын хүмүүс “Түр дарга”-аар хуульгүй юм шиг ажиллаж төрийн ажлыг унагаадаг гажуудалд цэг тавигдаж байна.

Дахин ийм хууль бус ажиллагааг гаргахгүйн тулд Засгийн газар, Төрийн албаны зөвлөлийнхөн анхаарч ажиллана гэж найдах үлдлээ. Цаашид Төрийн албыг тунгалаг, шилэн байлгая гэвэл одоо их хурлаар хэлэлцэгдэж байгаа “Ашиг сонирхлын хууль”-ийг баталж өгвөл эрх мэдэлтнүүдийн хамаарал бүхий чадваргүй, туршлагагүй хүмүүсээр төрийн албыг зайдагнуулдаг бурангуй жишиг баяртай болох юм.

Эх сурвалж: ӨГЛӨӨНИЙ СОНИН

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (202.9.40.215)  2023 оны 07 сарын 05

Төрийн албаны зөвлөлийг нам дагаагүй хүмүүсээс сонгон шалгаруулж бүрдүүлэх. Чадахгүй бол татан буулгасан нь хамаагүй дээр болсон. Төрийн байгууллагын ажилд тээг садаа болсон одоогийн төрийн албаны зөвлөл, салбар зөвлөлүүд болих хэрэгтэй.

0  |  0
kkkk (202.9.40.201)  2023 оны 07 сарын 04

shadar said samarsaihanii jinhene hun dee niisleld bsan

0  |  0
Top