Ханжоу 2022: Б.Гончигсүрэн алт, О.Хүслэн хүрэл медалийн төлөө барилдана

Автор | Zindaa.mn
2023 оны 09 сарын 26

А.Түмэнбаяр, Гэрэл зургийг Ч.Ганбат

Өнөөдөр Азийн 19 дүгээр наадмын гурав дахь өдөр жүдо бөхийн эмэгтэй 78, +78 кг, эрэгтэй 90, 100, +100 кг-ын жингийн барилдаанууд явагдаж байна.

Эмэгтэй 78 кг-д ОУХМ Отгонбаярын Хүслэн Филиппиний бөхийг ялаад хэсгийн аваргын төлөө БНСУ-ын тамирчинд ялагдсанаар торгуулийн тойрогт хүч үзлээ. Тэрээр  торгуулийн тойрогт Тайваны тамирчинг боох мэхээр ялж, хүрэл медалийн төлөө барилдахаар боллоо

Эмэгтэй +78 кг-ын жинд Алдар спорт хорооны тамирчин ОУХМ Амарсайханы Адъяасүрэн Казахстаны Камила Берликашийг нэмэлт цагт вазари үнэлгээгээр ялснаар их шөвөгт үлдлээ.

Харин эрэгтэй +100 кг-д О.Цэцэнцэнгэл торгуулийн барилдаандаа Казахстаны Галимжан Крикбает иппон бууснаар өрсөлдөөнийг орхив.

-100 кг-ын жинд Батхуягийн Гончигсүрэн эхний тойрогт гоц мөргөөд хоёрын даваандаа БНСУ-ын Вүн Жон-Хүнийг ялсан. Хагас шигшээд манай бөх АНЭУ-ын Жафар Костоевийг цэвэр ялснаар аваргын алтан медалийн төлөөл барилдах боллоо.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (202.126.88.123)  2023 оны 09 сарын 26

Энэ хэд маань тааруухан байна даа.Бэлтгэл хийгээгүй юмуу..нэг л гөшсөн барилдах юм,дайчин эрэмгий шинж огт алга\n

0  |  0
үнэн (66.181.189.220)  2023 оны 09 сарын 26

Жудогийнхон маш их мууджээ хөөрхий. Ийм муу азийн тоглолтуудад суулийн 3-4 удаа орж байгаагүй

0  |  0
Top