Хэйли Бибер салалтын дуулианы талаар тайлбар хийв

Дуучин Жастин Бибер болон загвар өмсөгч Хэйли Бибер нарыг таарамжгүй харилцаатай болсон гэх мэдээлэл цахим орчинд тархаад байсан билээ. Хэйли Биберийн аав тэдний өмнөөс залбирч өгөхийг интернэт хэрэглэгчдээс хүссэн нь энэхүү дуулиан гарах нөхцлийг бүрдүүлжээ. 

Өнгөрсөн амралтын өдөр дуучин Жастин Биберийн 30 насны төрсөн өдөр болж өнгөрчээ. Үүнийг тохиолдуулан Хэйли Бибер өөрийн инстаграм хуудаснаа "30 нас... хурдан байлаа шүү. Чамайг ямар гайхалтай нэгэн болох тухай үгээр илэрхийлж чадамгүй нь. Төрсөн өдрийн мэнд хүргэе, насан туршийн хайр минь" гэжээ. 

Түүний ийнхүү бичсэн нь салалтын тухай дуулианы хариу хэмээн шүтэн бишрэгчид нь дүгнэжээ. Хосууд Хэйли Биберийн аав Стефан Болдуины дуулиант бичвэрийн дараа Беверли Хиллс дахь сүмд хамтдаа яваа харагдсан бөгөөд хосуудын эцэг эх тэдний харилцаа сайн сайхан, урт удаан үргэлжлэхийн төлөө үргэлжид залбирдаг тухайгаа дурдсан байна.