Улс төрийн шинжлэх ухааны профессор С.Фишкин урилгаар зочилно
Нийслэлийн Засаг дарга Э.Бат-Үүлийн урилгаар АНУ-ын Стэнфордын Их сургуулийн Улс төрийн шинжлэх ухааны Профессор бөгөөд Стэнфордын Зөвлөлдөх Ардчиллын Төвийн захирал Жэймс С.Фишкин Улаанбаатар хотод зочлох гэж байна. Тэрээр АНУ-ын Елийн Их сургуулийн Улс төрийн Шинжлэх ухааны Бакалаврын зэрэг, Докторын зэрэгтэй. ИБУИНВУ-ын Кэмбриджийн Их сургуулийн Философийн Докторын зэрэгтэй Профессор юм. Ардчилал болон Нийтийн төлөөлөл, Шударга ёсын хэлэлцүүлэг, Иргэдийн дуу хоолой зэрэг номуудыг туурвиж, Deliberative Polling буюу Зөвлөлдөх ардчилал /Нийтийн төлөөлөллийн/ санал хураалтыг үүсгэн байгуулсан. АНУ, ИБУИНВУ, Австрали, Дани, Болгар, БНХАУ, Грек зэрэг орнуудад нийтийн төлөөллийн санал хураалтыг 40 гаруй удаа амжилттай хэрэгжүүлсэн. Жэймс С.Фишкин нь энэ сарын 22-27-ны өдрүүдэд Улаанбаатар хотод ажиллах бөгөөд энэ үеэр нийслэл, дүүргийн удирдлагууд, МУ-ын Засгийн газар, Олон Улсын байгууллагуудын төлөөлөгч нарт “Зөвлөлдөх ардчилал” сэдвээр лекц уншиж, нийслэлийн түвшинд иргэдийн оролцоог хангах чиглэлээр хийгдсэн ажлын талаар харилцан санал солилцох юм байна.
Холбоотой мэдээ
Сэтгэгдэл ( 1 )
Ардчилал анх гарч ирж байхдаа ард иргэдээ манайхан, танайхан гэж хувааж алаг үзэхгүй гэж байсан юм. Дараа нь ч худлаа болсон доо, харин ч чи муу коммунист биз дээ гээд алахаа шахдаг болсон. Ленинийг аймаар алуурчин нүдтэй гээд таниад байдаг Бат-Үүлийн урилгаар ирсэн юм биз дээ. Ленин бол хүн гардаж алаагүй, харин Үүл бол магадгүй, магадгүй л хулгайч шүү дээ. Айл ухдаг хүнд, хүн алах болох энүүхэнд байлгүй. Шал хэрэггүй зочин байна.