Хэлсэн үгнээсээ болж аллагад сэжиглэгдсэн тэрбумтан

Америкийн тэрбумтан Роберт Дарстыг аллагын хэрэгт сэжиглэн даваа гарагт  АНУ-д баривчилсан байна. Тэрбумтан саяхан HBO компаниар өөрийнхөө тухай баримтат кино хийлгэснийх нь сүүлийн анги нь дуусахад тэрбумтны “Бүх зүйл ийм л байна. Чамайг барилаа. Би тэгээд юу хийсэн юм бэ. Бүгдийг л алсан юм” гэсэн үг сонсогджээ. Хэвлэлүүдэд бичиж байгаагаар бол энэ үгийг кинонд оруулахаар зориулж хэлээгүй болов ч найруулагч нь түүнийг оруулаад эвлүүлчихсэн юм байна. Ер нь Дарстыг анхны эхнэрээ, туслахаа, бас хөршөө хөнөөсөн гэж сэжиглэж байсан удаатай. Ганцхан энэ бүхэнд ямар ч нотолгоо, баримт олоогүй хаасан байсан юм.

Эхнэр, туслахаа хөнөөсөн гэдэгт хуулийнхан эд мөрийн ямар ч баримт нотолгоо олоогүй. Харин 2002 онд Дарст хөршөө буудан хөнөөсөн хэргийг өөрийгөө хамгаалсан гэж үзсэн юм байна. Хохирогч хөршийнх нь хамаатнууд "Эцсийн эцэст хууль үнэн зөвийг олдог юм байна. Түүний хийсэн хэргийнх нь төлөө хариуцлага оногдуулах болсон” гэцгээж байгаа аж.