Дартсын ОУ-ын тэмцээний дөрвөн төрөлд тэргүүлжээ

Манай улсын дартсын шигшээ баг 10-12-ны өдрүүдэд Хонгконгт Азийн дартсын холбооноос зохион байгуулдаг 11 дэх удаагийн олон улсын цуврал тэмцээнд  амжилттай оролцож  дөрвөн төрөлд тэргүүлэн багийн нийлбэр дүнгээр шагналт тавдугаар байранд шалгарсан байна. Шигшээ баг эрэгтэй найм, эмэгтэй дөрөв нийт 12 хүний бүрэлдэхүүнтэй тэмцээнд оролцсон бөгөөд дөрвөн алт, хоёр хүрэл, гурван шагналт тавдугаар байр, гурван шагналт есдүгээр тус тус шалгарчээ. Дартсын шигшээ багийн бүрэлдэхүүнд улсын хоёр удаагийн аварга Х.Одхүү, Б.Биндэръяа, Ш.Ган-Эрдэнэ, Г.Бат-Өлзий, М.Энхмөнх, А.Энхбанди, Д.Эрдэнэчимэг, Л.Шинэцэцэг, н.Түмэнтогтох, н.Майцэцэг нар багтжээ. Олон улсын цуврал тэмцээний хоёр төрөлд дартсын тамирчин М.Энхмөнх алтан медаль хүртсэн байна.