ОБЕГ-ын алба хаагчид ОХУ-д дэгдсэн түймрийг унтраахаар явжээ

Монгол Улсын Засгийн газрын шийдвэрээр Онцгой байдлын ерөнхий газраас мэргэжлийн гал сөнөөгч болон эмч нараас бүрдсэн нийт 50 хүний бүрэлдэхүүнтэй багийг ОХУ-д томилон ажиллуулахаар болсон байна. Учир нь хойд хөршийн Сибирийн тойрогт олон мянган гектар газрыг хамарсан ойн түймэр дэгдэж чамгүй хохирлыг учруулаад байгаа аж. Тиймээс алба хаагчид өнөөдөр үүргээ биелүүлэхээр хойд хөршийг зорьжээ. Энэ хүү шийдвэрийг Монгол Улсын Засгийн газар, ОХУ-ын Засгийн газар хоорондын 1995 оны Үйлдвэрлэлийн осол, байгалийн гамшгаас урьдчилан сэргийлэх, тэдгээрийн үр дагаврыг арилгах салбарт хамтран ажиллах тухай хэлэлцээрийн 2.3 дахь заалтыг үндэслэн гаргасан байна.